పవన్‌ కళ్యాణ్‌ స్థాపించిన రాజకీయ పార్టీ పేరు జనసేన. ఇది అందరికీ తెలిసిందే. కానీ మనం ఇప్పుడు 'జై సేన' గురించి డిస్కస్‌ చేస్తున్నాం. అసలేంటీ.? 'జై సేన' అంటే.. ఇదో సినిమా టైటిల్‌. త్వరలో ప్రేక్షకుల ముందుకు రానుంది. ఈ సినిమా టీజర్‌ని హ్యాండ్‌సమ్‌ హీరో గోపీచంద్‌ రేపు సాయంత్రం 4 గంటలకు రిలీజ్‌ చేయబోతున్నారు. అయితే, సినిమా కథా కమామిషు ఏంటనే సంగతులు మాత్రం ఆడక్కండి. కానీ, జరుగుతోన్న ప్రచారం ప్రకారం ఈ సినిమా పవన్‌ కళ్యాణ్‌ జనసేన పార్టీకి మద్ధతుగానే ఉండబోతోందనీ తెలుస్తోంది.
సినిమా ప్రమోషన్స్‌ కూడా అదే యాంగిల్‌లో చేస్తున్నారు. మరి టీజర్‌ కూడా పవన్‌ కళ్యాణ్‌ చేతుల మీదుగానే రిలీజ్‌ చేద్దామనుకున్నారట. కానీ, టెక్నికల్‌గా కొన్ని ఇబ్బందులు ఎదురవడంతో గోపీచంద్‌తో ఈ టీజర్‌ రిలీజ్‌ చేయిస్తున్నారు. టైటిల్‌ లోగోలో బిగించిన పిడికిలి గుర్తు కనిపిస్తోంది. జనసేనకు మద్దతుగా సినిమా అంటే, ఈ సినిమాలో ఏం చూపిస్తారా.? అనే ఆసక్తి అప్పుడే అందరిలోనూ నెలకొంది.
ఈ సినిమాలో సునీల్‌, శ్రీకాంత్‌ కీలక పాత్రలు పోషిస్తున్నారు. హీరో, హీరోయిన్ల విషయం కూడా తెలీదు కానీ, సునీల్‌, శ్రీకాంత్‌ పేర్లు మాత్రమే ప్రస్తుతానికి ప్రస్థావనకొచ్చాయి. వి.సముద్ర దర్శత్వంలో ఈ సినిమా తెరకెక్కుతోంది. 'జై సేన' విషయమేంటా? అని తెలుసుకోవాలంటే రేపు సాయంత్రం 4 గంటల వరకూ వేచి చూడాల్సిందే. టీజర్‌ వచ్చాక అసలు ఈ సినిమా ముచ్చటేంటో అర్ధమువుతుంది మరి.
