సాయి ధరమ్‌ తేజ్‌ హీరోగా తెరకెక్కిన సినిమా 'జవాన్‌'. ఇంటికొక్కడు క్యాప్షన్‌తో రూపొందింది. ఈ రోజే ప్రేక్షకుల ముందుకు వచ్చింది. ఈ సందర్భంగా ధియేటర్స్‌ వద్ద సందడి వాతావరణం నెలకొంది. సాయి ధరమ్‌ తేజ్‌ ఈ సినిమాలో సరికొత్త లుక్‌లో కనిపిస్తున్నాడు. గత చిత్రాలతో పోల్చితే ఈ సినిమాలో కొత్త బాడీ లాంగ్వేజ్‌తో తేజు ఆకట్టుకుంటున్నాడు. భారీ అంచనాల నడుమ తెరకెక్కింది ఈ చిత్రం. మరికొద్ది సేపట్లోనే రిజల్ట్‌ తెలిసిపోనుంది. 

ప్రోమోస్‌, టీజర్స్‌, పోస్టర్స్‌తో ఇప్పటికే బాగా ఎట్రాక్ట్‌ చేశాడు. ఓ పక్క ఫ్యామిలీ, మరో పక్క దేశాన్ని కాపాడడంలో ఓ కుర్రాడు ఎలా తన వంతు బాధ్యతను నిర్వర్తించాడనే కథతో తెరకెక్కింది. కథా, కథనాలు సరికొత్తగా ఉండబోతున్నాయట. అన్నింటికీ మించి తేజు మెచ్యూర్డ్‌ లుక్‌తో, డిఫరెంట్‌ హెయిర్‌ స్టైల్‌తో డీసెంట్‌గా జెంటిల్‌గా కనిపిస్తున్నాడు ఈ సినిమాలో. రచయిత బి.వి.యస్‌.రవి దర్శకుడిగా మారి తెరకెక్కించిన చిత్రమిది. ముద్దుగుమ్మ మెహరీన్‌ కథానాయికగా నటించింది. 

కాగా ప్రస్తుతం తేజు వి.వి.వినాయక్‌తో ఓ సినిమాలో నటిస్తున్నాడు. ఇదో యాక్షన్‌ ఎంటర్‌టైనర్‌. ఇది కాక కరుణాకరణ్‌తో ఓ చిత్రం చేయనున్నాడు. వరుణ్‌తేజ్‌తో కలిసి ఓ చిత్రంలో నటించాలని తేజు కోరికట. అందుకు మంచి కథ కోసం వెయిటింగ్‌లో ఉన్నాడట తేజు. కథ దొరకగానే ఈ మల్టీ స్టారర్‌ చిత్రంలో నటించేందుకు ఈ ఇద్దరు మెగా హీరోలు రెడీగా ఉన్నట్లు తెలుస్తోంది. ఈ కాంబినేషన్‌ వర్కవుట్‌ అయితే మెగా ఫ్యాన్స్‌కి ఫుల్‌ పండగే.