తమిళ హీరో జయం రవి నటించిన 'తనీ ఒరువన్‌' చిత్రం తెలుగులో మెగా పవర్‌స్టార్‌ రామ్‌ చరణ్‌ హీరోగా 'ధృవ' టైటిల్‌తో రీమేక్‌ అయిన సంగతి తెలిసిందే. అంతకు ముందే జయం రవి అంటే ఓ ఐడియా ఉంది తెలుగు ప్రేక్షకులకు. కానీ, చరణ్‌ రీమేక్‌ చేసిన 'తనీఒరువన్‌' సినిమాతో చరణ్‌ యాక్టింగ్‌ స్కిల్స్‌తో పాటు, జయం రవి యాక్టింగ్‌ స్కిల్స్‌నీ పోల్చుకోవడంతో ఆయన ఇమేజ్‌ కూడా టాలీవుడ్‌లో బాగా పెరిగింది. అంతకు ముందు, ఆ తర్వాత కూడా జయం రవి నటించిన సినిమాలు తెలుగులోకి అనువాదమయ్యాయి అదే మార్కెట్‌తో. అయితే, ఆశించిన స్థాయిలో జయం రవి మార్కెట్‌ సంపాదించాడా.? లేదా.? అనే సంగతి పక్కన పెడితే, తమిళంలో మాత్రం ఆయన ఓ మోస్తరు స్టార్‌ హీరోగా వెలుగొందుతున్నారు. అయితే, కొత్త విషయమేంటంటే, హీరోగా సత్తా చాటిన జయం రవి, త్వరలో మెగాఫోన్‌ పట్టబోతున్నారట. అయితే, ఆ సినిమాలో జయం రవి నటించడం లేదట. ఓన్లీ డైరెక్షనే చేస్తారట. మరి నటుడు ఎవరో తెలుసా.? ప్రముఖ కమెడియన్‌ యోగిబాబు. యోగిబాబును హీరోగా పెట్టి, జయం రవి ఓ విలక్షణ చిత్రాన్ని తెరకెక్కించనున్నారట. త్వరలోనే ఈ ప్రాజెక్ట్‌కి సంబంధించి పూర్తి వివరాలు వెల్లడి కానున్నాయట. ఈలోగా హీరోగా తాను కమిట్‌ అయిన సినిమాల్ని పూర్తి చేస్తారట జయం రవి.చూడాలి మరి, హీరోగా టాలెంట్‌ చూపించిన జయం రవి, దర్శకుడిగా తానేంటో ఎలా నిరూపించుకుంటాడో.