లాక్ డౌన్, హోం క్వారెంటైన్‌ల వ‌ల్ల.. సినీ తార‌ల‌కు ఇంటి ప‌ట్టునే ఉండే అవ‌కాశం దొరికింది. వాళ్ల‌లో లోలోప‌ల దాగున్న ప్ర‌తిభ‌లు బ‌య‌ట‌కు వ‌స్తున్నాయి. ఇంట్లోనే ఉంటూ, చిన్న చిన్న ప‌నులు చేసుకుంటూ, కుటుంబంతో కాల‌క్షేపం చేస్తున్నారు. ఎన్టీఆర్ కూడా అంతే. స్వ‌త‌హాగా చేయి తిరిగిన వంట‌గాడు ఎన్టీఆర్. బిరియానీ చేయ‌డంలో స్పెష‌లిస్టు. రోటి ప‌చ్చ‌ళ్లు చాలా ఇష్టంగా చేస్తుంటాడు. ఇప్పుడు లాక్ డౌన్ సమ‌యంలో వంటింట్లో కొత్త కొత్త ప్ర‌యోగాలు చేస్తున్నాడ‌ట. కొత్త రెసిపీలు చేస్తూ.. కొత్త త‌ర‌హా వంట‌లు వండుతున్నాడ‌ట. ఎన్టీఆర్ బిరియానీ చేయ‌డ‌మే కాదు, వాటిని స‌న్నిహితుల‌కు పంపించి రుచి చూడ‌మంటున్నాడ‌ట.
ఎన్టీఆర్ ప్ర‌స్తుతం `ఆర్.ఆర్.ఆర్`లో న‌టిస్తున్న సంగ‌తి తెలిసిందే. త్వ‌ర‌లోనే ఈ సినిమా సెట్స్‌పైకి వెళ్ల‌నుంది. ఈలోగా ఆ పాత్ర కోసం మ‌ళ్లీ స‌న్నద్ధం అవుతున్నాడు. అంతేకాదు... ఇటీవ‌ల త్రివిక్ర‌మ్ తో ప‌లు ద‌ఫాలుగా సిట్టింగ్ వేశాడ‌ట ఎన్టీఆర్. త్వ‌ర‌లో త్రివిక్ర‌మ్ తో ఓ సినిమా చేయ‌బోతున్నాడు. అందుకు సంబంధించిన చ‌ర్చ‌లు య‌మ సీరియ‌స్‌గా జ‌రుగుతున్నాయ‌ని స‌మాచారం.
