నందమూరి అభిమానులు ఎరతగానో ఎదురు చూస్తోన్న 'జై లవకువ' ట్రైలర్‌ వచ్చింది. ఒకరు కాదు, ఇద్దరు కాదు, ముగ్గురు ఎన్టీయార్‌లూ అదరగొట్టేశారు ట్రైలర్‌లో. స్పెల్‌ బౌండ్‌ పెర్ఫామెన్స్‌ ట్రైలర్‌లోనే కనిపించింది. ఇప్పుడేంటి, టీజర్‌లతోనే ముగ్గురూ మొనగాళ్ళమని నిరూపించేసుకున్నారు. ముగ్గురి పాత్రల్నీ దర్శకుడు బాబీ డీల్‌ చేసిన వైనం సూపర్బ్‌ అనడం అతిశయోక్తి కాదు. ట్రైలర్‌లోనే ఇంత బాగా చూపించేశాడు ముగ్గురి టాలెంట్స్‌నీ. ఇక సినిమాలో అంతకుమించి అన్న రేంజ్‌లోను ఉంటుంది ఎన్టీఆర్‌ పర్‌ఫామెన్స్‌. ఇది పక్కా. అన్నదమ్ముల అనుబంధానికి ప్రతీక ఈ సినిమా అనే మాట ట్రైలర్‌ లాంఛ్‌ సందర్భంగా ఎన్టీయార్‌ నోట వచ్చింది. చాలా ప్యాషన్‌తో ఈ సినిమాని చేసినట్లు తెలుస్తోంది ఎన్టీఆర్‌ మాటలు వింటుంటే. అభిమానులకి ఆ మాట భలే కిక్‌ ఇచ్చింది. మూడు పాత్రలూ చాలా విభిన్నంగా ఉన్నాయి. మూడింట్లోనూ జై పాత్ర చాలా కొత్తగా అనిపిస్తోంది. అంతకు మించి కొత్తగా లవ పాత్ర, దాన్ని మించి కుశ పాత్రలు కన్పిస్తున్నాయంటే ఇవన్నీ సినిమా రిలీజ్‌కి ముందు సూపర్‌ హిట్‌ కాన్ఫిడెన్స్‌ ఇవ్వకమానవు. ఈ నెల 21న సినిమా రిలీజ్‌ కానుంది. ఆడియో ఇప్పటికే దుమ్ము రేపుతోంది. టీజర్స్‌కే రెస్పాన్స్‌ ఓ స్థాయిలో ఉంటే, ట్రైలర్‌ వచ్చాక ఆంచనాలు బీభత్సంగా పెరిగిపోయాయి. వరుస హిట్స్‌ మీదున్న ఎన్టీఆర్‌కి ఈ సినిమా మరో హిట్‌ కానుందనడం పక్కా. కళ్యాణ్‌రామ్‌ నిర్మాణంలో తెరకెక్కుతోన్న ఈ సినిమాలో రాశీఖన్నా, నివేదా థామస్‌ హీరోయిన్లుగా నటిస్తున్నారు.