ఇప్పటివరకు సినిమాలలో తప్ప ఎన్టీఆర్ ఎలా ఉంటాడో ఎవ్వరికీ తెలియని కోణాన్ని మనందరికీ బిగ్ బాస్ ద్వారా మనకి పరిచయం చేశాడు.
అతనిలో హ్యుమర్ ని, కామెడీ టైమింగ్ ని బిగ్ బాస్ అందరికి తెలియచేసింది అని చెప్పొచ్చు. బిగ్ బాస్ లో ఎన్టీఆర్ వ్యాఖ్యానం కూడా ఒక సర్ప్రైజే అనే అనొచ్చు.
ఇదిలావుండగా బిగ్ బాస్ మొదటి సీజన్ సూపర్ హిట్ అవ్వడంతో అప్పుడే సెకండ్ సీజన్ గురించిన చర్చలు మొదలయ్యాయి. ఎవరెవరు రానున్నారు సెకండ్ సీజన్ లో అని ఇప్పటికే సోషల్ మీడియాలో డిబేట్లు నడుస్తున్న నేపధ్యంలో బిగ్ బాస్ అభిమానులకి ఒక షాకింగ్ రూమర్ తేలిసింది. అదే రెండవ సీజన్ లో తారక్ హోస్ట్ గా చేయడం లేదు అన్న విషయమే.
అయితే ఆయన చేయకపోవడానికి కారణాలు ఏంటో తెలియదు కాని ఆయన మాత్రం చెయ్యట్లేదు అన్న వార్తలు ఇప్పుడు ఫిలిం నగర్ లో హల్చల్ చేస్తున్నాయి. దీనితో ఆయన స్థానంలో ఎవరు వ్యాఖ్యాతగా రానున్నారు అన్న హాట్ చర్చలుతెరలేచాయి.
మొత్తానికి.. ఈ రూమర్స్ లో నిజం ఎంత ఉన్నదో లేదో తెలియదు కాని ఈ షాకింగ్ వార్త ఇప్పుడు సోషల్ మీడియాలో పెను సంచలనం అయింది అని చెప్పాలి.
