ఎన్టీఆర్‌తో త్రివిక్రమ్‌ శ్రీనివాస్ మరో సినిమా!

By iQlikMovies - October 08, 2018 - 17:00 PM IST

మరిన్ని వార్తలు

త్రివిక్రమ్‌ శ్రీనివాస్‌తో ఏ హీరో పనిచేసినా, ఆ హీరోతో ఆయనకు ప్రత్యేకమైన అనుబంధం ఏర్పడిపోతుంటుంది. ఈ మాటల మాంత్రికుడు 'అజ్ఞాతవాసి' సినిమాతో ఫెయిల్యూర్‌ చవిచూవాడు. అయితేనేం, యంగ్‌ టైగర్‌ మాత్రం త్రివిక్రమ్‌ శ్రీనివాస్‌పై పూర్తి నమ్మకంతో వున్నాడు. 'అరవింద సమేత' సినిమాతో బంపర్‌ హిట్‌ కొడతామనే ధీమా త్రివిక్రమ్‌, ఎన్టీఆర్‌లలో కన్పిస్తోంది. 

ఈ సినిమా షూటింగ్‌ టైమ్‌లోనే ఈ ఇద్దరి మధ్యా స్నేహం పుట్టిందనుకుంటే పొరపాటే. ఈ ఇద్దరూ 'స్టూడెంట్‌ నెం.1' సినిమా టైమ్‌ నుంచీ మంచి స్నేహితులట. ఆ స్నేహం కారణంగా బలవంతంగా ఓ సినిమా సెట్స్‌ మీదకు రావడం ఇష్టం లేకనే, ఇద్దరూ సరైన కథ కోసం ఎదురుచూశారట. అలా 'అరవింద సమేత' సెట్స్‌ మీదకు వచ్చిందని చెబుతున్నాడు యంగ్‌ టైగర్‌. 

ఇదిలా వుంటే, ఎన్టీఆర్‌ ఆర్స్‌ బ్యానర్‌లో కళ్యాణ్‌రామ్‌ ఓ సినిమాని త్రివిక్రమ్‌ దర్శకత్వంలో తెరకెక్కించేందుకు సన్నాహాలు చేస్తున్నాడని సమాచారమ్‌. ఇది ఎన్టీఆర్‌ హీరోగానే వుంటుందని కూడా ఓ గాసిప్‌ విన్పిస్తోంది. అయితే 'అరవింద సమేత' రిలీజ్‌కి ముందు ఈ అంశంపై స్పష్టత వచ్చే అవకాశం లేదుగానీ, సినిమా రిలీజయ్యాక ఖచ్చితంగా ఆ ప్రాజెక్ట్‌పై ప్రకటన రానుందని తెలుస్తోంది. 

ఇప్పుడే ఈ అంశంపై ప్రకటన చేస్తే, అది పబ్లిసిటీ స్టంట్‌ అవుతుందనే బావనలో ఎన్టీఆర్‌, కళ్యాణ్‌రామ్‌, త్రివిక్రమ్‌ వున్నారట. అయితే త్రివిక్రమ్‌, అరవింద సమేత తర్వాత పలు కమిట్‌మెంట్స్‌తో వున్నాడు. అయినాగానీ, ఎన్టీఆర్‌ కోసం త్రివిక్రమ్‌ ఆ కమిట్‌మెంట్స్‌లో కొన్నిటినుంచి వెసులుబాటు కల్పించుకునే అవకాశమూ లేకపోలేదు. ఎన్టీఆర్‌ - కళ్యాణ్‌రామ్‌ కాంబినేషన్‌లో (ఎన్టీఆర్‌ హీరోగా కళ్యాణ్‌రామ్‌ నిర్మాతగా) 'జై లవ కుశ' సినిమా వచ్చిన సంగతి తెల్సిందే.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS