త్వరలోనే యంగ్‌ టైగర్‌ ఎన్టీఆర్‌ బుల్లితెరపై సందడి చేయనున్న సంగతి తెలిసిందే. 'బిగ్‌బాస్‌' షోతో బుల్లితెరకు సరికొత్త గ్లామర్‌ అద్దేందుకు సిద్ధంగా ఉన్నాడు ఎన్టీఆర్‌. ఈ సందర్భంగా పబ్లిసిటీ షురూ చేశారు. ఈ పబ్లిసిటీలో యంగ్‌ టైగర్‌ అత్యుత్సాహం చూసి అభిమానులు ఆనందం వ్యక్తం చేస్తున్నారు. అలాగే రిపోర్టర్స్‌ అడిగిన ప్రశ్నలకు ఆశక్తికరమైన సమాధానాలు ఇస్తున్నారు. ఈ షోకి సంబంధించిన ప్రోమోస్‌ విశేషంగా ఎట్రాక్ట్‌ చేస్తున్నాయి. ఈ నెల 16 నుండి ఈ షో ప్రారంభం కానుంది. ఈ షోలో చాలా చాలా ప్రత్యేకతలున్నాయంటున్నాడు ఎన్టీఆర్‌. అంత ఆషామాషీగా ఈ షోని ప్లాన్‌ చేయలేదంట. 12 మంది సెలబ్రిటీలు 70 రోజుల పాటు ఒకే ఇంట్లో ఉంటారు. 60 కెమెరాలు వారి చుట్టూ ఉండి అబ్జర్వ్‌ చేస్తూ ఉంటాయి. ఈ షోలో పార్టిసిపేట్‌ చేసే వారి లిస్టులో పోసాని కృష్ణమురళి, అందాల తారలు స్నేహ, రంభ, సదా, మంచు లక్ష్మీ ప్రసన్న తదితరులు పాల్గొననున్నారనీ తెలియ వస్తోంది. మరో పక్క ఈ షోకి ఎన్టీఆర్‌ భారీ రెమ్యునరేషన్‌ తీసుకున్నారంటూ గాసిప్స్‌ విన వస్తున్నాయి. కానీ ఈ షో చేయాలని ఎంతో దృఢ సంకల్పంతో ఉన్నారట ఆయన. సరదాగా ఈ షోతో బుల్లితెర ప్రేక్షకులకి ఎంటర్‌టైన్‌మెంట్‌ ఇవ్వాలన్న ఉద్దేశ్యంతోనే ఈ షోకి హోస్ట్‌గా వ్యవహరిస్తున్నానంటూ ఆయన తెలిపారు. అంతేకానీ, డబ్బు ముఖ్యం కాదంటూ, తన రెమ్యునరేషన్‌ విషయంలో వస్తున్న గాసిప్స్‌ని ఖండించాడు ఎన్టీఆర్‌. ఇంకో వైపు ఎన్టీఆర్‌ 'జై లవకుశ' సినిమాతో బిజీగా ఉన్నాడు. కళ్యాణ్‌రామ్‌ నిర్మాతగా ఈ సినిమా రూపొందుతోంది.