ఎన్టీయార్‌ హీరోగా తెరకెక్కుతోన్న చిత్రం 'జై లవకుశ'. ఈ సినిమా కోసం ఎన్టీఆర్‌ త్రిపాత్రాభినయం చేస్తోన్న సంగతి తెలిసినదే కదా. ఇంకో వైపున ఎన్టీయార్‌ డాన్సులంటే ఆ కిక్కే వేరప్పా. ఏ సినిమా చేసినా అందులో డాన్సులు ప్రత్యేకంగా ఉండేలా చూసుకుంటాడు యంగ్‌ టైగర్‌. తాజాగా 'జై లవకుశ' సినిమా కోసం సాంగ్‌ చిత్రీకరణ చేస్తున్నారు. ఈ సాంగ్‌లో ఎన్టీఆర్‌ వేసిన స్టెప్పులకి చిత్ర యూనిట్‌ అంతా షాక్‌ తింటున్నారట. ఈ విషయాన్ని దర్శకుడు బాబీ సోషల్‌ మీడియాలో వెల్లడించాడు. ఎన్టీయార్‌ డాన్సులు అద్భుతమైనీ, ఆ డాన్సుల్ని దగ్గరుండి చూడటం గొప్ప గౌరవంగా భావిస్తున్నానని అన్నాడు బాబీ. ఎన్టీయార్‌ డాన్సుల్లో కిక్‌ ఉంటుంది, ఆయన డాన్సుల్లో స్టైల్‌ ఉంటుంది, డాన్సులేసేటప్పుడు ఎన్టీయార్‌కి మాత్రమే ప్రత్యేకమైన ఓ ఈజ్‌ కనిపిస్తుంటుంది. ఆ ఈజ్‌ని చూసి బాబీ షాక్‌కి గురయ్యాడట. నందమూరి కళ్యాణ్‌రామ్‌ నిర్మిస్తోన్న 'జై లవకుశ' సినిమా ఈ విజయదశమికి ప్రేక్షకుల ముందుకు రానుంది. ఓ వైపు 'జై లవకుశ' సినిమా షూటింగ్‌, ఇంకో వైపున 'బిగ్‌బాస్‌' రియాల్టీ షోకి హోస్ట్‌గా వ్యవహరిస్తుండడం ఇంత బిజీలోనూ ఏ షెడ్యూల్‌కీ ఇబ్బంది రాకుండా చూసుకోవడం చిన్న విషయం కాదు. ఇంత టెన్షన్‌లో కూడా ఎన్టీయార్‌ మెస్మరైజింగ్‌ డాన్సులు వేస్తున్నాడంటే హేట్సాఫ్‌ అనాల్సిందే.