కాజల్‌ తొలి సినిమా నందమూరి హీరో కళ్యాణ్‌రామ్‌తోనే నటించింది. ఆ సినిమాలో పల్లెటూరి అమ్మాయిగా కాజల్‌ తొలి సినిమాతోనే తన అందంతో, అభినయంతో అందరి దృష్టినీ ఆకర్షించింది. తాజాగా ఈ జంట మరోసారి కనువిందు చేయబోతోంది. అదే 'ఎమ్మెల్యే' సినిమా ద్వారా. హుందా అయిన క్యారెక్టర్స్‌లో కాజల్‌ తనకు తానే సాటి అనిపించుకుంటోంది. 

'నేనే రాజు నేనే మంత్రి' సినిమాలో ట్రెడిషనల్‌ వేర్‌లో హుందా అయిన లుక్‌లో చాలా బాగుంటుంది కాజల్‌ అప్పియరెన్స్‌. నిజానికి ఆ సినిమాకి కాజలే హీరోనా అనిపించేలా రానాని డామినేట్‌ చేసేస్తుంది తన నటనతో. అలాగే తాజా సినిమా 'ఎమ్యెల్యే'లోనూ కాజల్‌ అదే అప్పియరెన్స్‌తో కనిపిస్తున్నట్లుంది. లేటెస్టుగా ఈ సినిమా నుండి ఓ స్టిల్‌ రిలీజ్‌ చేశారు చిత్ర యూనట్‌. కళ్యాణ్‌రామ్‌, కాజల్‌కి ఏదో తినిపిస్తున్నట్లుగా ఉంది ఆ స్టిల్‌లో. శారీలో కాజల్‌ లుక్‌ చాలా బాగుంది. అసలే కాజల్‌కిప్పుడు టైం బాగా కలిసొస్తుంది. 

మెగాస్టార్‌తో 'ఖైదీ' చిత్రం చేశాక, ఆ తర్వాత కాజల్‌ నటించిన చిత్రాలన్నీ సక్సెస్‌ అవుతున్నాయి. అలాగే ఈ సినిమాపై కూడా అంచనాలున్నాయి. ఖచ్చితంగా సినిమా హిట్‌ అవుతుందని భావిస్తున్నారు. 'నేనే రాజు నేనే మంత్రి' సినిమాతో రానాకి బిగ్గెస్ట్‌ హిట్‌ని అందించింది కాజల్‌. అలాగే 'పటాస్‌' సినిమాతో సక్సెస్‌ కొట్టిన కళ్యాణ్‌రామ్‌కి తర్వాత ఆ స్థాయిలో హిట్‌ పడలేదు. ఆ స్థాయి హిట్‌ 'ఎమ్యెల్యే' ద్వారా అందనుందేమో అనిపిస్తోంది. చూడాలి లక్కీ బ్యూటీ కాజల్‌ లక్‌ కళ్యాణ్‌రామ్‌కి ఎలా కలిసొస్తుందో!