'సీత', 'కోమలి'గా మారింది కానీ, సక్సెస్‌ సంగతేంటీ?

By iQlikMovies - June 14, 2019 - 11:00 AM IST

మరిన్ని వార్తలు

ఇటీవల 'సీత' సినిమాతో చందమామ కాజల్‌ అగర్వాల్‌ తెగ సందడి చేసింది. నెగిటివ్‌ షేడ్స్‌ ఉన్న పాత్రంటూ హల్‌చల్‌ చేసింది. పూర్తిగా హీరోయిన్‌ సెంట్రిక్‌ మూవీగానే ఈ సినిమాని ప్రొజెక్ట్‌ చేశారు. కానీ, తీరా విడుదలయ్యాక కాజల్‌ తేలిపోయింది. దాంతో విజయం ఆమెని వదిలి పారిపోయింది. 'సీత'తో సో సో అనిపించుకున్న కాజల్‌ అగర్వాల్‌ ఇప్పుడు తమిళంలో 'కోమలి'గా రాబోతోంది. జయం రవి హీరోగా తెరకెక్కుతోన్న ఈ సినిమా సస్పెన్స్‌ థ్రిల్లర్‌గా రూపొందుతోంది. తెలుగులో వరుస సినిమాలు వరుసగా నిరాశపరిచాయి కాజల్‌ని. దాంతో ఇప్పుడు తమిళంలపైనే పూర్తిగా దృష్టి పెట్టింది. తమిళంలో నిజానికి కాజల్‌ చేతిలో మూడు సినిమాలున్నాయి. వాటిలో 'ప్యారిస్‌ ప్యారిస్‌' ఎప్పుడో విడుదలకు సిద్ధమవ్వాల్సింది.

 

కానీ, ఆ సినిమా స్టేటస్‌ ఏంటో తెలియరావడం లేదు. ఆ సంగతి అలా ఉంటే, కోటి ఆశలతో సైన్‌ చేసిన 'ఇండియన్‌ 2' అతీ గతీ లేకుండా పోయింది. అప్‌డేట్స్‌ కన్నా, గాసిప్సే ఎక్కువగా వార్తల్లో నిలిచాయి ఈ సినిమాకి సంబంధించి. ఇకపోతే తాజా సినిమా 'కోమలి'. ఈ సినిమా అయితే శరవేగంగా షూటింగ్‌ జరుపుకుంటోంది. 'తనీ ఒరువన్‌', 'వనమగన్‌' తదితర చిత్రాలతో మంచి విజయాలు అందుకుని, కోలీవుడ్‌లో ఫుల్‌ స్వింగ్‌లో ఉన్న హీరో జయం రవి. సో ఈ సినిమాపై కాజల్‌ కాన్ఫిడెంట్‌గా ఉంది. ఈ సినిమా ఖచ్చితంగా తన కెరీర్‌కి పూల బాట వేస్తుందని నమ్ముతోంది. కాజల్‌ నమ్మకం నెరవేరుతుందా.? వేచి చూడాలిక.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS