నటి కాజల్ అగర్వాల్ ఇంట ఓ చిన్నబాబు సందడి చేస్తున్నాడు. ఇంతకి ఆ చిన్న బాబు ఎవరు అనుకుంటున్నారా? ఆ బుజ్జి బాబు మరెవరో కాదండి- కాజల్ అగర్వాల్ చెల్లెలు మాజీ నటి అయిన నిషా అగర్వాల్ కి జన్మించిన బాబు. 

2013లో నిషా అగర్వాల్ తాను ఎప్పటినుండో ప్రేమిస్తున్న వ్యాపారవేత్త అయిన కరణ్ వలెచా ని వివాహం చేసుకుంది. వీరిరువురికి ఈ మధ్యనే బాబు పుట్టడం ఆ బాబుకి ఇషాన్ అనే పేరుని పెట్టడం జరిగింది. ఇదే విషయాన్నీ నిన్న రాత్రి హీరోయిన్ కాజల్ తన సోషల్ మీడియా ద్వారా అందరు అభిమానులతో పంచుకున్నది. 

కాగా, నిషా పెళ్ళి తరువాత తన భర్తతో కలిసి బిజినెస్ లోకి అడుగుపెట్టడం మొన్నీమధ్యనే ఈ ఇద్దరు అక్కాచెల్లెళ్ళు తమ పేరిట ఒక బ్రాండ్ ని ఏర్పాటు చేసుకుని నగల వ్యాపారంలోకి దిగారు. 

మొత్తానికి వీరింట ఇప్పుడు ఈ చిన్న బాబు సెంటర్ అఫ్ అట్రాక్షన్ గా మారాడు.