పెళ్లి, కెరీర్‌కి అడ్డు కాదంటోన్న కాజల్‌.

By Inkmantra - January 22, 2021 - 16:00 PM IST

మరిన్ని వార్తలు

పాప కాలం మారింది. ఒకప్పుడు హీరోయిన్స్‌కి పెళ్లయితే, కెరీర్‌ ఫుల్‌ స్టాప్‌ అయిపోయినట్లే. కానీ, ఇప్పుడలా కాదు, పెళ్లి తర్వాత కూడా కెరీర్‌ని సక్సెస్‌ఫుల్‌గా కొనసాగిస్తున్నారు. టాలీవుడ్‌ విషయానికి వస్తే, సమంత ఆ విషయంలో మొదటి స్థానంలో ఉంది. ఇప్పుడు కాజల్‌ వంతొచ్చింది. చందమామ కాజల్‌ అగర్వాల్‌ రీసెంట్‌గా పెళ్లి చేసుకున్న సంగతి తెలిసిందే. ఓ వైపు హనీమూన్‌.. హజ్‌బెండ్‌ అంటూ, ఫ్రెష్‌గా పర్సనల్‌ లైఫ్‌ని ఎంజాయ్‌ చేస్తూనే, మరోవైపు కెరీర్‌ పైనా ఫోకస్‌ పెట్టింది.

 

పెళ్లికి ముందు కమిట్‌ అయిన ప్రాజెక్టులు కంప్లీట్‌ చేసేసి, పెళ్లి తర్వాత ఫ్రెష్‌గా సినిమాలకు సైన్‌ చేస్తోంది.ఆ క్రమంలోనే ఓ తమిళ సినిమాకి కాజల్‌ కమిట్‌ అయ్యిందట. ప్రభుదేవా హీరోగా తెరకెక్కుతోన్న ఈ సినిమా షూటింగ్‌ సమ్మర్‌ నుండి స్టార్ట్‌ కానుందట. మరోవైపు తెలుగులోనూ కాజల్‌కి అవకాశాలొస్తున్నాయట. ప్రస్తుతం చిరంజీవితో 'ఆచార్య' సినిమాలో నటిస్తోంది కాజల్‌. అలాగే ఆమె నటించిన 'మోసగాళ్లు' చిత్రం విడుదలకు సిద్ధంగా ఉంది. మంచు విష్ణు ఈ సినిమాలో కీలక పాత్ర పోషిస్తున్నాడు.

 

తాజా అప్‌డేట్‌ ప్రకారం, కాజల్‌ కెరీర్‌కి ఇప్పట్లో ఢోకా లేదనిపిస్తోంది. ఈ జోరులోనే డిఫరెంట్‌ మూవీస్‌పై సైన్‌ చేసేందుకు కాజల్‌ పావులు కదుపుతోందట. సో ఇన్నోవేటివ్‌గా ఆలోచించే అప్‌కమింగ్‌ రచయితలూ.. కాజల్‌ పాపను కాస్త దృష్టిలో పెట్టుకుని మీ కలానికి పదును పెట్టండిక.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS