సీనియర్‌ నటుడు యాంగ్రీమేన్‌ రాజశేఖర్‌ హీరోగా తెరకెక్కుతోన్న 'కల్కి' సినిమాలో ఇద్దరు ముద్దుగుమ్మలు హీరోయిన్లుగా నటిస్తున్న సంగతి తెలిసిందే. ఇటీవల రిలీజైన ట్రైలర్‌లో ఆదాశర్మ ఒక్కచోట కనిపించింది కానీ, నందితా శ్వేత కనిపించిన ఆనవాళ్లు లేవు. దాన్ని బట్టి హీరోయిన్స్‌కి అంత సీను లేదేమో ఈ సినిమాలో.. అనే భావన కలుగుతోంది. కానీ, మరీ అంత ప్రాధాన్యత లేకుంటే, ముద్దుగుమ్మ నందితా శ్వేత ఆ కథలను ఒప్పుకోదు. సెలెక్టివ్‌గా ఈ భామ సినిమాలు చేస్తున్న సంగతి తెలిసిందే.
కానీ, ఎందుకో 'కల్కి' ప్రచార చిత్రాల్లో మాత్రం ఆమెకు చోటు దక్కినట్లే లేదు. ఇదిలా ఉంటే, సినిమా విడుదలకు మరో రెండు రోజులు మాత్రమే మిగిలి ఉంది. ఇలాంటి తరుణంలో సినిమా ప్రమోషన్స్‌ చాలా వేగవంతం కావాలి. అలాంటి 'కల్కి' టీమ్‌ ఎందుకో స్లోగా ఉంది. ఏదో ఒకటి, రెండు ఇంటర్వ్యూల్లో దర్శకుడు ప్రశాంత్‌ వర్మ, హీరో రాజశేఖర్‌ కనిపించినా కానీ, గ్లామర్‌ మాత్రం పూర్తిగా మిస్సయిపోయింది. హీరోయిన్లు ఎ్కడా కనిపించడం లేదు.
ఎప్పుడూ సోషల్‌ మీడియాలో యాక్టివ్‌గా ఉండే ఆదాశర్మ అక్కడ కూడా సైలెంట్‌గానే ఉంది. ప్రమోషన్స్‌ దిశగా తాను ఏ యాక్టివిటీలోనూ పాల్గొనడం లేదు. దాంతో రాజశేఖర్‌ అభిమానులు హీరోయిన్లు ఎక్కడా.? అంటూ ప్రశ్నలు సంధిస్తున్నారు. చూడాలి మరి మిగిలిన ఈ కొద్ది సమయాన్ని అయినా 'కల్కి' ముద్దుగుమ్మలు వినియోగించుకుంటారేమో .
