అక్కినేని అందగాడు అఖిల్‌ తొలి సినిమా 'అఖిల్‌'తో పరాజయం చవి చూసినప్పటికీ, రెండో సినిమాని చాలా ప్లాన్డ్‌గా తెరకెక్కిస్తున్నాడు. నాగార్జునే నిర్మాతగా, ఈ సినిమా విషయంలో ప్రతీదీ దగ్గరుండి చూసుకుంటున్నాడు. విక్రమ్‌ కుమార్‌ దర్శకత్వంలో ఈ సినిమా తెరకెక్కుతోందన్న సంగతి తెలిసిందే. అంతకు ముందే విక్రమ్‌ కుమార్‌ రూపొందించిన 'మనం'లో అఖిల్‌ గెస్ట్‌ రోల్‌లో నటించాడు. అదే అఖిల్‌కి తొలి ఎంట్రీ సినిమాల్లోకి. అందరూ వావ్‌ అనిపించేలా ఉంది 'మనం'లో అఖిల్‌ లుక్‌. అందుకే అన్నీ ఆలోచించే టైమ్‌ తీసుకున్నా కానీ అఖిల్‌ని విక్రమ్‌ చేతిలో పెట్టాడు నాగార్జున. అయితే తాజా చిత్రంలో హీరోయిన్‌ని ఇంతవరకు విక్రమ్‌ కుమార్‌, అఖిల్‌ కన్‌ఫామ్‌ చేయలేదు. అయితే తాజాగా అందున్న సమాచారం ప్రకారం మలయాళ దర్శకుడు ప్రియదర్శన్‌, నటి లీసాల కుమార్తె అయిన కళ్యాణిని అఖిల్‌ సినిమా కోసం హీరోయిన్‌గా ఎంపిక చేశారనీ సమాచారమ్‌. ఇదొక రొమాంటిక్‌ ఎంటర్‌టైనర్‌. సినిమా షూటింగ్‌ ఆల్రెడీ జరుగుతోంది. యాక్షన్‌ సీన్స్‌ ఈ సినిమాలో కూడా ప్రాధాన్యత సంతరించుకోనున్నాయట తొలి సినిమా మాదిరిగానే. అన్నపూర్ణా స్టూడియోస్‌ పతాకంపై నాగార్జున ఈ చిత్రాన్ని నిర్మిస్తున్నారు. అఖిల్‌ తొలి సినిమా 'అఖిల్‌' కోసం బాలీవుడ్‌ నుంచి సయేషా సెహగల్‌ని తీసుకొచ్చిన సంగతి తెలిసినదే. ఇప్పుడు మల్లూవుడ్‌ నుండి కొత్త అమ్మాయి అఖిల్‌ కోసం టాలీవుడ్‌లోకి అడుగు పెట్టనుందన్న మాట.
