కళ్యాణ్‌రామ్‌ దూకుడు పెంచేశాడు. వరుస పెట్టి కళ్యాణ్‌రామ్‌ నటించిన రెండు సినిమాలు విడుదలకు సిద్ధంగా ఉన్నాయి. 'ఇజం' సినిమా తర్వాత కళ్యాణ్‌రామ్‌ కొంచెం గ్యాప్‌ తీసుకున్నాడు. కానీ ఆ గ్యాప్‌లో ఎట్‌ ఏ టైమ్‌ రెండు సినిమాలను పట్టాలెక్కించేశాడు. ఇప్పుడా రెండు సినిమాలూ ఒకదాని తర్వాత ఒకటిగా, రెండు నెలల గ్యాప్‌లోనే విడుదల కానున్నాయి. ఇంతకీ ఆ సినిమాటు ఏంటంటే, ఒకటి 'ఎమ్మెల్యే', ఇంకోటి 'నా నువ్వే'. 'ఎమ్మెల్యే' అంటే మంచి లక్షణాలున్న అబ్బాయి. పొలిటికల్‌ బ్యాక్‌ డ్రాప్‌తో తెరకెక్కుతోన్న సినిమానే కానీ, ఎంటర్‌టైనింగ్‌గా ఉండబోతోందట. ఈ సినిమాలో కళ్యాణ్‌రామ్‌, ముద్దుగుమ్మ కాజల్‌తో జత కడుతున్నాడు.

అప్పుడెప్పుడో తొలి సినిమా 'లక్ష్మీ కళ్యాణం'లో కాజల్‌, కళ్యాణ్‌రామ్‌తో జోడీ కట్టింది. ఆ తర్వాత ఇన్నాళ్లకు మళ్లీ కళ్యాణ్‌రామ్‌ - కాజల్‌ కలిసి నటిస్తున్న చిత్రమిది. ఈ సినిమాలోని ఫస్ట్‌ ఆడియో సింగిల్‌ ఈ రోజు విడుదల కానుందని చిత్ర యూనిట్‌ పేర్కొంది. మణిశర్మ ఈ సినిమాకి బాణీలందించారు. కాగా రెండో సినిమా 'నా నువ్వే'లో కళ్యాణ్‌ రామ్‌ సరసన మిల్కీ బ్యూటీ తమన్నా నటిస్తోంది. తొలిసారిగా ఈ జంట ఆన్‌స్క్రీన్‌పై సందడి చేస్తోందీ సినిమాతో. ఈ ఇద్దరి మధ్యా ఆన్‌స్క్రీన్‌ కెమిస్ట్రీ సూపర్బ్‌గా ఉందంటూ ఇన్‌సైడ్‌ సోర్సెస్‌ నుండి అందుతున్న సమాచారమ్‌.

కాగా ఈ సినిమాలోని ఫస్ట్‌ ఆడియో సింగిల్‌ మే 25న విడుదల కానుందట. త్వరలోనే 'ఎమ్యెల్యే' సినిమాతో కళ్యాణ్‌రామ్‌ నందమూరి అభిమానులను అలరించనున్నాడు. ఆ తర్వాత రెండు, మూడు నెలల్లోనే 'నా నువ్వే' కూడా విడుదల చేసే యోచనలో కళ్యాణ్‌రామ్‌ ఉన్నట్లు తెలుస్తోంది.