మెగాపవర్‌ స్టార్‌ రామ్‌చరణ్‌ నటిస్తున్న తాజా చిత్రం 'రంగస్థలం'. అయితే ఈ సినిమా షూటింగ్‌ ఎప్పుడో పూర్తయ్యిందన్నారు. గుమ్మడి కాయ కూడా కొట్టేశారని అన్నారు. అయితే తాజాగా చిట్టిబాబు పాత్ర షూటింగ్‌ పూర్తయ్యిందట. ఈ విషయాన్ని చరణ్‌ సతీమణి ఉపాసన సోషల్‌ మీడియాలో వెల్లడించింది. 

అదేంటి షూటింగ్‌ ఎప్పుడో పూర్తయ్యిందన్నారు కదా. మరిదేంటి ఇప్పుడు చిట్టిబాబు పాత్ర షూటింగ్‌ పూర్తయ్యిందంటోంది ఉపాసన అని మెగా అభిమానులు అనుకుంటున్నారు. షూటింగ్‌ పూర్తయిపోయిందనుకున్న తర్వాత కూడా మళ్ళీ చరణ్‌ షూటింగ్‌కి వెళ్ళాడట. అయితే ఇంతకీ ఇప్పటికైనా 'రంగస్థలం' షూటింగ్‌ పూర్తయ్యిందనుకోవాలా? అంటే, ఇంకొంచెం పార్ట్‌ షూటింగ్‌ మిగిలే ఉందని అంటున్నారు. సినిమా రిలీజ్‌ డేట్‌ దగ్గర పడుతోంది. ఇంకా షూటింగ్‌ పూర్తి కాకపోవడమేంటని మెగా అభిమానులు ఓ పక్క ఆందోళన చెందుతున్నారు. అయితే ఎట్టి పరిస్థితుల్లోనూ మార్చి 30న సినిమా రిలీజ్‌ అవుతుదని చిత్ర యూనిట్‌ నమ్మకంగా చెబుతోంది.  

ఇప్పటికే రెండు ఆడియో సింగిల్స్‌ వచ్చేశాయి. దేవిశ్రీ ప్రసాద్‌ అందించిన మ్యూజిక్‌లో ఈ రెండు ఆడియో సింగిల్స్‌ దుమ్ము దులిపేస్తున్నాయి. ఈ సంగతిలా ఉంచితే, చరణ్‌ తదుపరి చిత్రం బోయపాటి శీను దర్శకత్వంలో ఉంది. ఈ సినిమా ఆల్రెడీ షూటింగ్‌ స్టార్ట్‌ అయ్యింది చరణ్‌ లేకుండానే. 'రంగస్థలం'లో చరణ్‌ పార్ట్‌ పూర్తయ్యింది గనుక, బోయపాటి సినిమా కోసం చరణ్‌ న్యూ గెటప్‌లోకి వచ్చేస్తాడు. 

'రంగస్థలం' కోసం డిఫరెంట్‌ గెటప్‌లోకి మారిపోయిన చరణ్‌, ఇప్పుడు బోయపాటి సినిమా కోసం కూడా మరో న్యూ గెటప్‌ ట్రై చేయనున్నాడనీ తెలుస్తోంది. ఈ సినిమాలో బాలీవుడ్‌ బ్యూటీ కైరా అద్వానీ, చరణ్‌తో జోడీ కడుతోంది.