పొన్నాంబళమ్ తెలుసు క‌దా? తెలుగు, త‌మిళ చిత్రాల్లో హీరోల‌ను భ‌య‌పెట్టిన విల‌న్‌. త‌న రూపం, మాట, బాడీ లాంగ్వేజ్ అన్నీ భ‌య‌పెడుతూనే ఉంటాయి. ఇప్పుడు ఆ విల‌నే.. ఆసుప‌త్రిలో ప్రాణాల‌తో పోరాడుతున్నాడు. గ‌త కొంత‌కాలంగా కిడ్నీ సంబంధిత స‌మ‌స్య‌తో బాధ ప‌డుతున్నాడు పొన్నాంబళమ్. చెన్నైలోని ఓ ప్రైవేట్ ఆసుప‌త్రిలో చికిత్స‌పొందుతున్నాడు. గ‌త కొన్నేళ్లుగా సినిమాల్లేక, ఆర్థిక ఇబ్బందుల‌కు గుర‌య్యాడు. దానికి తోడు ఆరోగ్యం బాగా పాడైంది.
ప్ర‌స్తుతం ఆసుప‌త్రి ఖ‌ర్చుల‌కు సైతం డ‌బ్బుల్లేవ‌ట. పొన్నాంబళమ్ ప‌రిస్థితి తెలుసుకున్న కొంత‌మంది త‌మిళ స్టార్ హీరోలు త‌మ‌కు తోచిన ఆర్థిక స‌హాయం చేస్తున్నారు. అందులో భాగంగా ఆసుప‌త్రి ఖ‌ర్చుల్ని భ‌రించ‌డానికి క‌మ‌ల్ ముందుకు వ‌చ్చాడ‌ని తెలుస్తోంది. అంతేకాదు.. కుటుంబ స‌భ్యుల‌కు తానున్నానంటూ.. పొన్నాంబ‌ళ‌మ్‌కి అభ‌య హ‌స్తం అందించాడ‌ట. పొన్నాంబళమ్ ఆసుప‌త్రిలో చికిత్స తీసుకుంటున్నప్పుడు తీసిన ఫొటోలు త‌మిళ‌నాడంతటా వైర‌ల్ అయ్యాయి. పొన్నాంబళమ్ ప‌రిస్థితి చూసి 'అయ్యో.. పాపం' అంటూ జాలి ప‌డుతున్నారు అభిమానులు. హీరోలు ముందుకొచ్చి సాయం ప్ర‌క‌టించ‌డం.. పొన్నాంబళమ్ కుటుంబ స‌భ్యుల‌కు ఊర‌ట క‌లిగించే విష‌యం.
