గత కొన్నిరోజుల నుండి కౌశల్ కి బిగ్ బాస్ ఇంటి బయట జరుగుతున్న కౌశల్ ఆర్మీ ప్రచారం, సపోర్ట్ గురించి అదే సమయంలో నాని ఇంటిలోకి వచ్చినప్పుడు కౌశల్ ఆటతీరుని మెచ్చుకోవడం వంటి పరిణామాలతో ఆయన దాదాపుగా ఈ సీజన్ విన్నర్ అన్న టాక్ కూడా మొదలైంది.

ఈ తరుణంలో ఆయన బిగ్ బాస్ ఇంటిలో గీత మాధురి పైన నోరు జారడం జరగడం దానికి సంబంధించి ఈరోజు ప్రసారం కాబోయే ఎపిసోడ్ లో ఉంటుంది అంటూ ఇప్పటికే విడుదలైన ప్రోమోస్ లో మనకి తెలుస్తున్నది. అయితే ఇప్పటివరకు చాలా తెలివిగా ఆడుతూ ఎటువంటి ఎమోషన్స్ కి లొంగకుండా ఈ సీజన్ లో మొత్తం లోనే ఒక వైవిధ్యమైన సభ్యుడిగా మంచి పేరుని సంపాదించుకున్నాడు.

ఈ సమయంలో ఇలా తోటి సభ్యుల పైన నోరు జారడం వంటివి ఆయనకి ప్రేక్షకుల్లో నేగిటివిటీని తెచ్చే ఆస్కారం ఉందన్న అభిప్రాయం వెలువడుతున్నది.

చూద్దాం.. కౌశల్ ఇక మీదైనా ఇటువంటి పొరపాట్లు చేయకుండా ఉంటాడా? లేదా అని...