‘మహానటి’తో తెలుగు, తమిళ భాషల్లో విపరీతమైన ఫాలోయింగ్ తెచ్చుకున్న నటి కీర్తిసురేష్. ప్రస్తుతం ఆమె వరుస చిత్రాల్లో నటిస్తోంది. కీర్తి సురేష్ నటించిన చాలా సినిమాలు విడుదలకు సిద్ధంగా ఉన్నాయి. అయితే, లాక్ డౌన్ కారణంగా అవన్నీ హోల్డ్ లో పడ్డాయి. అయితే, కీర్తి నటించిన ’పెంగ్విన్‘ మూవీని ఓటీటీలో విడుదల చేసేందుకు సన్నాహాలు జరుగుతున్నట్లు తెలుస్తోంది. తెలుగు, తమిళ భాషల్లో ద్విభాషా చిత్రంగా రూపొందిన ఈ సినిమాని ప్రముఖ దర్శకుడు కార్తిక్ సుబ్బరాజు నిర్మించారు. ఈశ్వర్ కార్తిక్ దర్శకుడు. వేసవిలో ఈ సినిమాని గ్రాండ్ గా రిలీజ్ చేయాలనుకున్నారు.
కానీ, కరోనా కారణంగా విడుదల వాయిదా పడింది. ఇక ఇప్పట్లో పరిస్థితులు చక్కబడేలా కనిపించకపోవడంతో, నిర్మాతలు ఈ సినిమాని ఓటీటీలో విడుదల చేయాలని భావిస్తున్నారట. ’మహానటి‘ తర్వాత లాంగ్ గ్యాప్ లో కీర్తి సురేష్ నుండి రిలీజవుతున్న సినిమా ఇది. డిపరెంట్ కాన్సెప్ట్ తో రూపొందుతోన్న ఈ సినిమాని హీరోయిన్ సెంట్రిక్ మూవీగా రూపొందించారు. ప్రముఖ ఓటీటీ ప్లాట్ ఫామ్ అమెజాన్ ప్రైమ్ ద్వారా ఈ సినిమా జూన్ 19 నుండి ప్రసారం కానుంది. అన్నట్లు ఇప్పటికే పలు బాలీవుడ్ సినిమాలు ఓటీటీ ప్లాట్ ఫామ్ లో విడుదలకు సిద్ధంగా ఉన్నాయి. బాలీవుడ్లో అమితాబ్ బచ్చన్, అక్షయ్ కుమార్ వంటి స్టార్ హీరోలే ఓటీటీ రిలీజ్ కి ముందుకు రావడంతో, మన టాలీవుడ్ స్టార్ హీరోలు కూడా ఈ దిశగా వడి వడిగా అడుగులు వేస్తున్నట్లు సమాచారం అందుతోంది.
