మ‌హాన‌టితో విమ‌ర్శ‌కుల ప్ర‌శంస‌ల‌నే కాదు, జాతీయ అవార్డునీ ద‌క్కించుకుంది కీర్తి సురేష్‌. ఇప్పుడు ఆమె కాల్షీట్లు హాట్ కేకులు. పెద్ద హీరోలు సైతం త‌మ సినిమాలో కీర్తి క‌థానాయిక అయితే బాగుంటుంద‌ని ఆశిస్తున్నారు. అయితే కీర్తి మాత్రం ఆచితూచి అడుగులు వేస్తోంది. ఏ సినిమా ప‌డితే అది ఒప్పుకోవ‌డం లేదు. స్టార్ బ‌లం ఉన్నా స‌రే - క‌థ న‌చ్చ‌క‌పోతే నిర‌భ్యంత‌రంగా తిర‌స్క‌రిస్తుంది. తాజాగా రానా సినిమానీ కీర్తి ప‌క్కన పెట్టిన‌ట్టు స‌మాచారం. త‌మిళంలో గృహం అనే సినిమా తీసి సూప‌ర్ హిట్ కొట్టాడు మిళంద్ రావు.
ఇప్పుడు రానా కోసం ఓ క‌థ‌ని సిద్ధం చేశాడు. అందులో క‌థానాయిక గా కీర్తిఅయితే బాగుంటుంద‌ని చిత్ర‌బృందం భావించింది. కీర్తిని సంప్ర‌దించారు కూడా. అయితే ఈ సినిమాలో న‌టించ‌డానికి కీర్తి ఆస‌క్తి చూపించ‌లేదు. క‌థ‌లో త‌న పాత్ర‌కు అంత‌గా ప్రాధాన్యం లేద‌ని కీర్తి భావించింద‌ని స‌మాచారం. అందుకే ఈ సినిమా ఒప్పుకోలేద‌ట. దాంతో రానా కోసం మ‌రో క‌థానాయిక‌ని వెద‌కాల్సివ‌స్తోంది. ఈ చిత్రం సెప్టెంబ‌రులో సెట్స్‌పైకి వెళ్లే అవ‌కాశం ఉంది.
