కీర్తి సురేష్‌కి 3 కోట్ల రెమ్యునరేషన్‌ అట. ఇది మరీ టూమచ్‌. రెండు కోట్లు అంటేనే చాలా ఎక్కువ. కోటి అన్నా తక్కువ మొత్తం కాదు కీర్తి సురేష్‌కి. ఈ గాసిప్స్‌లో నిజమెంతో తెలియదు. కానీ గాసిప్స్‌ అయితే మాత్రం చాలా వేగంగా ప్రచారంలోకెక్కేశాయి. అమ్మడు కీర్తి సురేష్‌ ఈ గాసిప్స్‌ని ఖండించడం లేదు. అయితే గాసిప్స్‌ని ఎంకరేజ్‌ చేస్తే కెరీర్‌లో ఇబ్బంది తప్పదు. ఇంకో వైపున ఇదంతా నిజమేనని కూడా అనుకుంటున్నారు. వాస్తవానికి హీరోయిన్‌గా రెండే రెండు స్ట్రెయిట్‌ సినిమాలు చేసింది కీర్తి సురేష్‌. 'నేను లోకల్‌', 'నేను శైలజ' సినిమాల్లో నటించింది ఈ బ్యూటీ. రెండు సినిమాల్లోనూ గ్లామర్‌ ఏమాత్రం ఒలకబోయలేదు ఈ ముద్దుగుమ్మ. గ్లామర్‌కి కొంచెం దూరంగా ఉంటానని ముందే చెప్పింది కూడా. అయితే ఇంతవరకూ గ్లామరస్‌గా కనిపించకపోయినా తన యాక్టింగ్‌ టాలెంట్‌తో మంచి పేరు తెచ్చేసుకుంది. అలాగే త్రివిక్రమ్‌ సినిమాల్లో కూడా మరీ గ్లామర్‌ హద్దులు దాటేయదు. కానీ హాట్‌ అప్పీల్‌ అయితే ఉంటుంది. ఆ హాట్‌ అప్పీల్‌ని కీర్తి సురేష్‌ నుంచి ఆశించగలమా? అమ్మడు మొదట్లో చెప్పినట్లు మాటపై నిలబడుతుందా? లేక గ్లామర్‌ ప్రపంచంలో అడుగు పెట్టినాక లైట్‌ తీస్కుంటుందా చూడాలి. మరో విషయం ఏంటంటే పవన్‌ కళ్యాణ్‌ సినిమాల్లో హీరోయిన్లు గ్లామరస్‌గా లేకపోయినా, చాలా అందంగా కనిపిస్తారు. కీర్తి సురేష్‌ అలాగే మరింత అందంగా కనిపిస్తుందేమో చూద్దాం.