సినిమా సినిమాకీ వైవిధ్యం ప్ర‌దర్శించాల‌ని చాలా మంది ఆశ ప‌డుతుంటారు. కానీ... అది ఏ కొద్దిమందో సాధ్యం అవుతుంది. క‌థానాయిక‌లు ఏ సినిమాలో చూసినా ఒకేలా ఉంటారు. వాళ్ల రూప లావ‌ణ్యాలలో పెద్ద‌గా మార్పులుండ‌వు. కానీ.. కీర్తి సురేష్ మాత్రం కాస్త విభిన్న‌మనే చెప్పాలి. మ‌హాన‌టిలో చూసిన కీర్తి సురేష్‌కీ ఇప్ప‌టి కీర్తి సురేష్‌కీ అస్స‌లు పోలిక లేదు. మేకొవ‌ర్ అంటే అదీ. కీర్తి సురేష్ చేతిలో చాలా సినిమాలున్నాయి. న‌గేష్ కుకునూర్ ద‌ర్శ‌క‌త్వంలో కీర్తి ఓ సినిమా చేస్తోంది.
అది స్పోర్ట్స్ బ్యాక్ డ్రాప్‌లో జ‌రిగే క‌థ. కీర్తి ఓ క్రీడాకారిణిగా న‌టించ‌నుంది. ఈ సినిమాకి సంబంధించిన ఫస్ట్ లుక్ బ‌య‌ట‌కు వ‌చ్చింది. అందులో కీర్తి మ‌రీ స‌న్న‌గా క‌నిపిస్తోంది. మ‌హాన‌టిలో బొద్దుగా క‌నిపించిన కీర్తి... ఇప్పుడు ఇంత స్లిమ్‌గా ఎలా మారిపోయిందా అనిపిస్తోంది. మేకొవ‌ర్ అంటే అదే క‌దా? ఓ క్రీడాకారిణి పాత్ర‌లో ఇమిడిపోవాలంటే.. త‌న దేహ‌ధారుడ్యంపై దృష్టి పెట్టాలి. కీర్తి అదే చేసింది. శ‌రీరాన్ని అదుపులో ఉంచుకుని స్లిమ్‌గా మారిపోయింది. అన్న‌ట్టు.. ఈ రోజు కీర్తి పుట్టిన రోజు. మ‌హాన‌టి.. ఇలానే వందేళ్లు వ‌ర్థిల్లాల‌ని కోరుకోండి.
