'అర్జున్‌రెడ్డి' రీమేక్‌ 'కబీర్‌ సింగ్‌'తో అందాల భామ కైరా అద్వానీ దశ తిరిగిపోయింది. బాలీవుడ్‌లో వరుస ఆఫర్స్‌తో రాకెట్‌ స్పీడులో దూసుకెళ్లిపోతోంది కైరా. 'కబీర్‌ సింగ్‌' తర్వాత కైరా నుండి వచ్చిన సినిమా 'గుడ్‌ న్యూస్‌'. లేటెస్ట్‌గా ప్రేక్షకుల ముందుకు వచ్చిన ఈ సినిమా పోజిటివ్‌ టాక్‌ దక్కించుకుంది. కామెడీ ప్రధానాంశంగా తెరకెక్కిన ఈ చిత్రం ప్రేక్షకుల్ని విశేషంగా ఆకట్టుకోవడంతో, కైరా ఖాతాలో బాలీవుడ్‌లో మరో హిట్‌ చేరిపోయింది. అక్షయ్‌ కుమార్‌, కరీనా కపూర్‌, దిల్జిత్‌ దొసాంజ్‌ ప్రధాన పాత్రలు పోషించిన ఈ సినిమాలో కైరా అద్వానీ దిల్జిత్‌ దొసాంజాకి భార్యగా నటించింది.
స్పెర్మ్‌ ట్రాన్స్‌ఫర్‌ నేపథ్యంలో రూపొందిన ఈ చిత్రం బాలీవుడ్‌ ప్రేక్షకులతో పాటు, తెలుగు ప్రేక్షకుల్నీ ఆకట్టుకునే విధంగా ఉండడం, కైరాకి తెలుగులో ఉన్న క్రేజ్‌తో తెలుగునాట కూడా ఎ సెంటర్స్‌లో బాగానే ఓపెనింగ్స్‌ అందుకుంది 'గుడ్‌న్యూస్‌' మూవీ. రాజ్‌ మెహతా దర్శకత్వంలో ఈ సినిమా తెరకెక్కింది. ఈ సినిమా హిట్‌తో కైరా అద్వానీ క్రేజ్‌ నెక్స్‌ట్‌ లెవల్‌కి చేరుకుంది. 'గుడ్‌న్యూస్‌' సక్సెస్‌తో కైరా ఆనందానికి అవధుల్లేవు. ఇకపోతే, 2019లో కైరా తెలుగులో 'వినయ విధేయ రామ' చిత్రంతో తెలుగులో నటించింది.
'సీత'గా రామ్‌చరణ్‌ పక్కన చిందేసిన ఈ ముద్దుగుమ్మ ఈ సినిమా తర్వాత మళ్లీ తెలుగులో కనిపించలేదు. ఈ సినిమా రిజల్ట్‌ బెడిసి కొట్టడం, బాలీవుడ్‌కి చెక్కేయడం, అదే టైమ్‌లో 'లస్ట్‌ స్టోరీస్‌' వెబ్‌ సిరీస్‌తోనూ, 'కబీర్‌ సింగ్‌' సూపర్‌ హిట్‌తోనూ కైరా అద్వానీ కెరీర్‌కి పూల బాటలు పడ్డాయి. ఇక ఇప్పట్లో కైరా కెరీర్‌కి ఢోకా లేదక్కడ.
