తెలుగులో 'వినయ విధేయ రామ' ఫ్లాన్‌ తర్వాత మళ్ళీ కన్పించని అందాల భామ కైరా అద్వానీ, బాలీవుడ్‌లో మాత్రం వరుస సినిమాలతో చాలా బిజీ అయిపోయింది. ఆల్రెడీ తన తాజా చిత్రం 'కబీర్‌ సింగ్‌' ప్రమోషన్లలో బిజీగా వున్న కైరా అద్వానీ, 'కాంచన' హిందీ రీమేక్‌లో అక్షయ్‌కుమార్‌ సరసన నటిస్తోన్న విషయం విదితమే. 'కబీర్‌ సింగ్‌', తెలుగు 'అర్జున్‌ రెడ్డి'కి రీమేక్‌. అలా రెండు రీమేక్స్‌లో కైరా అద్వానీ నటిస్తూ, రీమేక్‌ క్వీన్‌ అయిపోయింది.
ఇక, మరో సినిమా 'షేర్‌షా'లోనూ కైరా అద్వానీ హీరోయిన్‌గా నటిస్తోంది. 'గుడ్‌ న్యూస్‌' టైటిల్‌తో రూపొందుతోన్న సినిమాలోనూ కైరానే హీరోయిన్‌. ఇవన్నీ కాక, తాజాగా 'ఇందూ కీ జవానీ' అనే మరో సినిమాలో హీరోయిన్‌గా కైరా అద్వానీ ఛాన్స్‌ కొట్టేసింది. ఇది హీరోయిన్‌ సెంట్రిక్‌ మూవీ. ఇంతలా బాలీవుడ్‌లో బిజీగా వుండబట్టే, తెలుగులో అవకాశాలు వచ్చినా కైరా అద్వానీ చెయ్యలేకపోతోందా? అంటే, దానికి సమాధానం దొరకడం కష్టం.
ఎందుకంటే తెలుగులో సినిమాల నిర్మాణం తాలూకూ వేగం చాలా ఎక్కువ. 'భరత్‌ అనే నేను' సినిమాతో తెలుగులోకి ఎంట్రీ ఇచ్చిన ఈ భామ, తొలి సినిమాతోనే మంచి విజయాన్ని అందుకున్నా, రెండో సినిమా 'వినయ విధేయ రామ'తో పరాజయాన్ని మూటగట్టుకుంది.
