కియారా అలియా అద్వానీ, ఈ ముద్దుగుమ్మకి తెలుగులో ఇంకా పరిచయం కాలేదు. అయితే త్వరలోనే మహేష్ సరసన 'భరత్‌ అను నేను' సినిమాతో ఎంట్రీ ఇస్తోంది. కొరటాల శివ దర్శకత్వంలో తెరకెక్కుతోన్న ఈ సినిమా షూటింగ్‌లో లేటెస్టుగా జాయిన్‌ అయ్యింది ఈ ముద్దుగుమ్మ. వస్తూ వస్తూనే స్టార్‌ హీరోతో, సక్సెస్‌ఫుల్‌ డైరెక్టర్‌తో ఛాన్స్‌ కొట్టేసింది. కొరటాల శివ చేసిన సినిమాలన్నీ సూపర్‌ డూపర్‌ హిట్సే. అలా చూసుకుంటే అమ్మడి పంట పండిపోయినట్లే. ఈ సినిమాపై ఇప్పటికే చాలా అంచనాలున్నాయి. ఈ సినిమా హిట్‌ అయ్యిందంటే చాలు తెలుగులో వరుస ఆఫర్లతో అమ్మడు బిజీ అయిపోవడం ఖాయమంటున్నాయి టాలీవుడ్‌ వర్గాలు.
