కొరటాల శివతో మహేష్‌బాబు ఆల్రెడీ రెండు బ్లాక్‌ బస్టర్‌ హిట్స్‌ కొట్టేశాడు. మొన్న 'శ్రీమంతుడు', నిన్న 'భరత్‌ అనే నేను'. ఇప్పుడు మరో హిట్‌కీ రెడీగానే ఉన్నాడు. అయితే అందుకు కాస్త టైం పడుతుంది. కానీ ఆ లోగా వీరిద్దరి కాంబినేషన్‌లో ఓ కమర్షియల్‌ యాడ్‌ రాబోతోంది. ఈ యాడ్‌లో మహేష్‌బాబుతో పాటు, కమెడియన్‌ వెన్నెల కిషోర్‌ కూడా కనిపించబోతున్నాడీ యాడ్‌లో. ఇంతకీ ఆ యాడ్‌ ఏంటంటారా? 'అబీ బస్‌ యాడ్‌'. ఆల్రెడీ మహేష్‌బాబు మరో కమెడియన్‌ కృష్ణుడుతో కలిసి ఈ యాడ్‌ చేశాడు.

తాజాగా ఇదే యాడ్‌ని మహేష్‌ - వెన్నెల కిషోర్‌ కాంబినేషన్‌లో షూట్‌ చేశారు. తాజాగా షూటింగ్‌ కంప్లీట్‌ చేసుకున్న ఈ కమర్షియల్‌ యాడ్‌కి దర్శకుడు కొరటాల శివ దర్శకత్వం వహించాడు. ఈ యాడ్‌కి సంబంధించి షూటింగ్‌ స్పాట్‌లో మహేష్‌తో వెన్నెలకిషోర్‌ దిగిన ఫోటోలు సోషల్‌ మీడియాలో సందడి చేస్తున్నాయి. ఈ ఫోటోలో మహేష్‌ కూతురు సితార కూడా ఉంది. ఇదిలా ఉంటే, ప్రస్తుతం మహేష్‌బాబు వంశీ పైడిపల్లి దర్శకత్వంలో చేస్తున్న సినిమా హైద్రాబాద్‌లో షూటింగ్‌ జరుపుకుంటోంది.

ఈ సినిమాకి 'రిషి' అనే టైటిల్‌ పరిశీలనలో ఉంది. పూజా హెగ్దే హీరోయిన్‌గా నటిస్తోన్న ఈ చిత్రంలో అల్లరి నరేష్‌ కీలక పాత్ర పోషిస్తున్నాడు. మరోవైపు స్టైలిష్‌ స్టార్‌ అల్లు అర్జున్‌ కూడా మహేష్‌లాగే ఈ తరహా వాణిజ్య ప్రకటనలో నటిస్తున్న సంగతి తెలిసిందే. ఈ యాడ్‌లో ఓ సారి షియాజీషిండేతోనూ, తర్వాత ఆలీతోనూ నటించాడు బన్నీ. మహేష్‌ది 'అబి బస్‌' అయితే, బన్నీది 'రెడ్‌ బస్‌'. అదీ సంగతి.