'మిర్చి' సినిమా తర్వాత కొరటాల శివ, చరణ్‌తో ఓ సినిమా చేయాల్సి ఉంది. కానీ అప్పట్నుంచీ ఈ కాంబినేషన్‌ సెట్‌ కాలేదు. 'రంగస్థలమ్‌' ముందు కూడా ఈ కాంబినేషన్‌లో సినిమా వస్తుందనుకున్నారు. కానీ అది కూడా కుదరలేదు. అయితే ఇప్పుడు ఇక ఆ ఛాన్స్‌ లేదు. ఎందుకంటే చరణ్‌ 'రంగస్థలమ్‌' సినిమా తర్వాత బోయపాటి శీనుతో సినిమా కన్‌ఫామ్‌ అయిపోయింది. సో ఇప్పట్లో కొరటాల - చరణ్‌ కాంబినేషన్‌ లేనట్లే. అయితే కొరటాల మాత్రం తన తర్వాతి చిత్రం మెగా కాంపౌండ్‌ హీరోతోనే అని పట్టు పట్టి కూర్చున్నాడట. 

ఇక కొరటాల చేయబోయే ఆ మెగా హీరో ఎవరు మరి? త్రివిక్రమ్‌ శ్రీనివాస్‌తో పవన్‌ కళ్యాణ్‌ 'అజ్ఞాతవాసి' సినిమాలో నటిస్తున్నాడు. ఈ సినిమా వచ్చే ఏడాది సంక్రాంతికి ప్రేక్షకుల ముందుకు రానుంది. ఒకవేళ పవన్‌తో కొరటాల నెక్స్ట్‌ సినిమా ఉండబోతోందా? అంటే అవుననే సంకేతాలు వినిపిస్తున్నాయి. అయితే ఈ విషయంపై పక్కాగా స్పష్టత లేదు కానీ, పవన్‌తోనూ ఓ సినిమా చేయాలని కొరటాల ఎప్పటి నుండో అనుకుంటున్నాడు. అయితే కొరటాల నెక్స్ట్‌ మూవీ పవన్‌తో ఉండే అవకాశాలున్నాయి. 'అజ్ఞాతవాసి' సినిమా తర్వాత పవన్‌ ఖాళీ అవుతాడు. ఒకవేళ పవన్‌ ఓకే అంటే ఈ కాంబినేషన్‌ సెట్‌ అయిపోయినట్లే. 

మరో పక్క కొరటాల ప్రస్తుతం మహేష్‌బాబుతో 'భరత్‌ అనే నేను' సినిమా తెరకెక్కిస్తున్నాడు. పొలిటికల్‌ బ్యాక్‌ డ్రాప్‌లో తెరకెక్కుతోన్న సినిమా ఇది. మహేష్‌ ఈ సినిమాలో ముఖ్యమంత్రి పాత్రలో కనిపించనున్నాడనీ ప్రచారం జరుగుతోంది. బాలీవుడ్‌ బ్యూటీ కైరా అద్వానీ ఈ సినిమాలో హీరోయిన్‌గా నటిస్తోంది.