బిగ్ బాస్ 5 వ సీజ‌న్ ర‌స‌వ‌త్తరంగా సాగుతోంది. మ‌రీ ముఖ్యంగా వీకెండ్ లో నాగార్జున రాక‌తో ఈ వినోదం రెట్టింపు అవుతోంది. దానికి తోడు ఎలిమినేష‌న్ ప్ర‌క్రియ కూడా ఉంది క‌దా? దాంతో హౌస్ లో ఎవ‌రు ఉంటారు? ఎవ‌రు బ‌య‌ట‌కు వెళ్తారు? అనే విష‌యాల్లో స‌ర్వ‌త్రా ఉత్కంఠ‌త నెల‌కుంటోంది. తొలి వారం స‌ర‌యూ బ‌య‌ట‌కు వెళ్లిపోయింది. రెండో వారంలో ఉమాదేవి వికెట్ ప‌డింది. ముచ్చ‌ట‌గా మూడో వారంలో లహరి ఎలిమినేట్ అయ్యింది. ఈ వారం ఐదుగురు కంటెస్టెంట్స్ ఎలిమినేషన్‌కి నామినేట్ అయ్యారు. శ్రీరామ్- మానస్- ప్రియాంక- లహరి- ప్రియ డేంజ‌ర్ జోన్ లో ప‌డ్డారు.
శ్రీరామ్, మానస్, ప్రియాంకలకు అత్య‌ధిక ఓట్లు పోల‌వ్వ‌డంతో ఈ ముగ్గురూ శ‌నివార‌మే సేఫ్ జోన్‌లోకి వెళ్లిపోయారు. ఆదివారం నాటి ఎపిసోడ్ లో లహరిని ఎలిమినేట్ చేస్తున్న‌ట్టు నాగ్ ప్ర‌క‌టించగానే బిగ్ బాస్ హౌస్ షాక్ లో ప‌డింది. ఎందుకంటే... ప్రియ కంటే లహరి కాస్త స్ట్రాంగ్ ప్లేయ‌ర్‌. ప్రియ ముందుగా ఎలిమినేట్ అవుతుంద‌ని అంతా ఊహించారు. కానీ ప్రియ కంటే ల‌హ‌రికి త‌క్కువ ఓట్లు న‌మోదు అవ్వ‌డంతో లహరి బిగ్ బాస్ హౌస్ ని వ‌దిలి వెళ్ల‌క త‌ప్ప‌లేదు.
