'సోగ్గాడే చిన్ని నాయనా' సినిమాలో కాస్సేపే కన్పించినా ప్రచారంలో అనసూయ పేరు దుమ్మురేపేసింది. రష్మి ఏ సినిమా చేసినా, ఆ సినిమాలకి పబ్లిసిటీ అంతా రష్మిపైనే జరిగింది. 'క్షణం' సినిమా అంతా అనసూయే. అలాగే యాంకర్‌ లాస్య కూడా, 'రాజా మీరు కేక' సినిమాతో సందడి చేసేస్తుందనుకుంటే, ట్రైలర్‌లో ఆమె మీద ఫోకస్‌ పెద్దగా పెట్టలేదు. లాస్య అభిమానుల్ని ఇది తీవ్రంగా నిరాశపరిచింది. బుల్లితెరపై లాస్య గతంలో బీభత్సమైన సందడి చేసింది. మరో యాంకర్‌తో కలిసి లాస్య చేసిన బుల్లితెర ప్రోగ్రామ్స్‌ అన్నీ సూపర్‌ హిట్‌. బుల్లితెరపై సూపర్‌ పెయిర్‌గా రవి, లాస్యల కాంబినేషన్‌ గురించి చర్చించుకున్నారు. అప్పట్లో బుల్లితెరపై వీరిద్దరి పెయిర్‌ ఓ సెన్సేషన్‌ అయ్యింది. అలాగే వీరిద్దిరిపై అనేక గాసిప్స్‌ కూడా చక్కర్లు కొట్టాయి. అయితే సడెన్‌గా బుల్లితెరపై లాస్య మాయమైపోయింది. తాజాగా సినిమాల్లో ప్రత్యక్షమైంది. సినిమాల్లోకి వచ్చిన లాస్య, సత్తా చాటుతుందనుకుంటే, ట్రైలర్‌లోనే ఆమెకు వాల్యూ తగ్గిపోవడం శోచనీయం. అయితే లాస్యకి సినిమాలో చాలా సీన్‌ ఉందని, ట్రైలర్‌ చూసి డిసైడ్‌ చేసేయొద్దని 'రాజా మీరు కేక' టీమ్‌ అంటోంది. కాబట్టి లాస్యకి సినిమాలో సీనెంతిచ్చారో సినిమా విడుదలయ్యేదాకా వేచి చూస్తేనేగాని తెలియదు. మొత్తానికి 'రాజా మీరు కేక' సినిమా ఫస్ట్‌లుక్‌తో లాస్యకిచ్చిన సీను, ట్రైలర్‌లో మిస్‌ అయ్యింది. టోటల్‌గా సినిమాతో ఏ రేంజ్‌లో ఆకట్టుకుంటుందో లాస్య చూడాలిక.
