టాలీవుడ్ లో ఎప్పుడ ఎవ‌రికి ఎలా అవ‌కాశం వ‌స్తుందో తెలీదు. `వీళ్ల ప‌ని అయిపోయింది` అనుకున్న వాళ్ల‌కు స‌డ‌న్ గా ఓ సూప‌ర్ ఛాన్స్ రావొచ్చు. ఆ సినిమాతో వాళ్ల జాత‌కం మొత్తం మారిపోవొచ్చు. ప్ర‌స్తుతం లావ‌ణ్య త్రిపాఠీకి అలాంటి బంప‌ర్ ఆఫ‌ర్ వ‌చ్చింద‌ని ఇండ్ర‌స్ట్రీ వ‌ర్గాల్లో టాక్ వినిపిస్తోంది. మహేష్ బాబు - త్రివిక్ర‌మ్ కాంబినేష‌న్‌లో ఓ సినిమా రూపుదిద్దుకోనున్న సంగ‌తి తెలిసిందే. త్వ‌ర‌లోనే ఈ సినిమా సెట్స్‌పైకి వెళ్ల‌బోతోంది. ఇందులో ఓ కీల‌క‌మైన పాత్ర కోసం లావ‌ణ్య త్రిపాఠీని ఎంచుకున్న‌ట్టు టాక్.
త్రివిక్ర‌మ్ సినిమాల్లో సెకండ్ హీరోయిన్ కీ ఛాన్సుంటుంది. ఆ లెక్క‌న లావ‌ణ్య త్రిపాఠీని ఎంచుకున్నారా? లేదంటే లావ‌ణ్య‌ది చెల్లాయి, వ‌దిన టైపు పాత్రా? అనేది తేలాల్సివుంది. `అందాల రాక్ష‌సి`తో లావ‌ణ్య సినీ ప్ర‌యాణం మొద‌లైంది. భ‌లే భ‌లే మ‌గాడివోయ్, సోగ్గాడే చిన్ని నాయిన లాంటి హిట్లు త‌న ఖాతాలో ఉన్నాయి. అయితే.. కొంత‌కాలంగా త‌నకు స‌రైన అవ‌కాశాలు లేవు. దాదాపుగా లావ‌ణ్య‌ని జ‌నాలు మ‌ర్చిపోతున్న త‌రుణంలో ఇలాంటి ఓ అవ‌కాశం రావ‌డం.. నిజంగా గేమ్ ఛేంజింగ్ మూమెంటే.
