వెండి కలర్‌ ఫ్రాక్‌లో ముద్దుగుమ్మ లావణ్య త్రిపాఠి అందం వర్ణనాతీతం అన్నట్లుగా ఉంది ఈ ఫోటోలో. కుచ్చు కుచ్చుల గౌను ఆమె అందానికి మరింత అందం తీసుకొచ్చింది. 'అందాల రాక్షసి'తో కుర్రకారు గుండెల్ని కొల్లగొట్టిన ఈ ముద్దుగుమ్మ ఇప్పుడు వరుస ఆఫర్లు దక్కించుకుంటోంది. 'భలే భలే మగాడివోయ్‌' చిత్రంతో బ్లాక్‌ బస్టర్‌ హిట్‌ని తన ఖాతాలో వేసుకుని, ఆ తర్వాత సీనియర్‌ హీరో మన్మధుడు నాగార్జున సరసన నటించే ఛాన్స్‌ కొట్టేసింది 'సోగ్గాడు'తో.

తర్వాత లావణ్య డైరీలో పెద్దగా హిట్స్‌ లేకపోయినా, ఇప్పుడు క్రేజీ ఆఫర్లు దక్కించుకుంటోంది. లేటెస్టుగా మెగా ప్రిన్స్‌ వరుణ్‌ తేజ్‌ సినిమాలో ఓ హీరోయిన్‌గా నటించే ఛాన్స్‌ కొట్టేసింది. ఆల్రెడీ వరుణ్‌తేజ్‌తో 'మిస్టర్‌'లో నటించింది కానీ, ఆ సినిమా ఆశించిన ఫలితాన్నివ్వలేదు. 'ఘాజీ' డైరెక్టర్‌ సంకల్ప్‌ రెడ్డి తెరకెక్కిస్తున్న సినిమాలో లావణ్య నటిస్తోంది.

ఇదే కాదు ఆల్రెడీ మెగా కాంపౌండ్‌ హీరోతో 'ఇంటెలిజెంట్‌'లో నటించింది. సక్సెస్‌తో సంబంధం లేకుండా, మళ్లీ మళ్లీ మెగా కాంపౌండ్‌ హీరోలతో జత కట్టే అవకాశం దక్కించుకుంటోదంటోన్న లావణ్య సమ్‌థింగ్‌ స్పెషల్‌ అంతే.!