లిప్ లాక్ సీన్లు ఈమ‌ధ్య సినిమాల్లో కామ‌న్ అయిపోయాయి. ప్ర‌తీ సినిమాలోనూ... ఒక‌ట్రెండు లిప్పు లాకులు ప‌డాల్సిందే. ఈ శుక్ర‌వారం విడుద‌లైన సినిమాలు చూడండి. ఖిలాడీలో లిప్ లాక్‌లు ఉన్నాయి. సెహ‌రీలో ఉన్నాయి. డీజే టిల్లు సంగ‌తి ఇక చెప్ప‌క్క‌ర్దెద్దు. టీజ‌ర్‌, ట్రైల‌ర్‌లో ముద్దులు చూపించే.. ఆకర్షించేశారు. ఇప్పుడు ఈ ముద్దులు మోహ‌న్ బాబు సినిమాకీ త‌ప్ప‌లేదు.

మోహ‌న్ బాబు క‌థానాయ‌కుడిగా న‌టించిన చిత్రం `స‌న్నాఫ్ ఇండియా`. డైమండ్ ర‌త్న‌బాబు ద‌ర్శ‌క‌త్వం వ‌హించారు. ఈనెల 18న విడుద‌ల అవుతోంది. ఈసినిమాలో లిప్ లాక్ సీన్లు ఉన్నాయ‌ట‌. ఈ విష‌యాన్ని మోహ‌న్ బాబు స్వ‌యంగా మీడియా కు చెప్పేశారు. అయితే ఈ ముద్దు సీన్లలో తాను న‌టించ‌లేద‌ట‌. ఇద్ద‌రు అమ్మాయిలు ముద్దులు పెట్టుకున్న సీన్లు షూట్ చేశార్ట‌. అవ‌న్నీ సినిమాలో ఉన్నాయంటున్నారు మోహ‌న్ బాబు. `డాడీ.. మ‌న సినిమాలో ఇలాంటి ముద్దులెందుకు` అని విష్ణు మోహ‌న్ బాబుని అడిగార‌ట‌. దానికి మోహ‌న్ బాబు కూడా ``మ‌ర్డ‌ర్లూ, మాన‌భంగాలు చేస్తే త‌ప్పు. సినిమా కోసం ఇలాంటివి చేయ‌డంలో త‌ప్పు లేదు. నిజ జీవితంలో మ‌నం ఎలా ఉన్నాం అనేదే ప్ర‌ధానం`` అని స‌ర్ది చెప్పార్ట‌. మొత్తానికి మోహ‌న్ బాబు సినిమాలోనూ లిప్ లాక్‌లు త‌ప్ప‌లేదు.