తమిళ సూపర్‌ హిట్‌ రాక్షసన్‌’ రీమేక్‌ అయిన ‘రాక్షసుడు’ సినిమాతో మంచి హిట్‌ తన ఖాతాలో వేసుకున్న యంగ్‌ హీరో బెల్లంకొండ శ్రీనివాస్‌ ప్రస్తుతం ‘కందిరీగ’ ఫేమ్‌ సంతోష్‌ శ్రీనివాస్‌తో ఓ సినిమాలో నటిస్తున్నాడు. ఈ సినిమాకి మంచి రిలీజ్‌ డేట్‌ కోసం బెల్లాంకొండ ఎదురు చూస్తున్నాడట. లాస్ట్‌ షెడ్యూల్‌ షూటింగ్‌లో ఉన్న ఈ సినిమాని సమ్మర్‌ రిలీజ్‌కి ప్లాన్‌ చేస్తున్నట్లు సమాచారం. అయితే, సమ్మర్‌లో ఇప్పటికే క్రేజీ మూవీస్‌ బెర్త్‌లు బుక్‌ చేసేసుకున్నాయి. మిడ్‌ సమ్మర్‌ మేని ‘వకీల్‌ సాబ్‌’తో పవర్‌ స్టార్‌ ఆక్యుపై చేసేశారు. అంతకు ముందే అంటే ఏప్రిల్‌లో వద్దామనుకుంటే, ఆ డేట్స్‌లో సాయి ధరమ్‌ తేజ్‌, శర్వానంద్‌ వంటి హీరోలు రెడీగా ఉన్నారు.
అయితే, ఉన్న వాటిలో మేలోనే బెల్లాంకొండ సినిమాకి కాస్త ప్లేస్‌ ఉన్నట్లు తెలుస్తోంది. అయితే, ఫలానా డేట్‌ అనుకోలేదు కానీ, మే లోనే ఈ సినిమా రిలీజ్‌ ప్లాన్‌ చేసేలా ఆలోచనలు జరుగుతున్నాయని మాట్లాడుకుంటున్నారు. ఫుల్‌ లెంగ్త్‌ కామెడీ అండ్‌ యాక్షన్‌ ఎంటర్‌టైనర్‌గా రూపొందుతోన్నఈ సినిమాలో నభా నటేష్‌ హీరోయిన్‌గా నటిస్తోంది.
