తమిళంలో బిజీయెస్ట్‌ హీరో అయిన మాధవన్‌ తెలుగులో నటించేందుకు ఆశక్తి చూపిస్తున్నారు. ఇప్పటికే నాగ చైతన్య హీరోగా తెరకెక్కుతోన్న ఓ చిత్రంలో మాధవన్‌ కీలక పాత్ర పోషిస్తున్నాడు. 

'సవ్యసాచి' టైటిల్‌తో తెరకెక్కుతోన్న ఈ చిత్రానికి చందూ మొండేటి దర్శకత్వం వహిస్తున్నారు. కాగా మాధవన్‌కి తెలుగులోనూ మంచి ఫాలోయింగ్‌ ఉంది. తెలుగులో డైరెక్ట్‌గా సినిమాలు చేయనప్పటికీ, 'సఖి', 'ప్రియసఖి' తదితర మాధవన్‌ చిత్రాలు తెలుగులో డబ్‌ అయ్యాయి. అలా ముఖ్యంగా లేడీ ఫ్యాన్స్‌ ఎక్కువున్నారు మాధవన్‌కి తెలుగులో. అయినా కానీ ఇంతవరకూ మాధవన్‌ తెలుగులో నటించేందుకు ఎందుకో ఇంట్రెస్ట్‌ చూపించలేదు. 

కానీ ప్రస్తుతం మాధవన్‌లో మార్పు వచ్చింది. తెలుగు సినిమాలపై కాన్‌సన్‌ట్రేషన్‌ చేస్తున్నట్లు తెలుస్తోంది. 'సవ్యసాచి' సినిమా మాధవన్‌కి తెలుగులో మొదటి సినిమా. ఈ మధ్య అరవింద్‌ స్వామి తదితరులు తెలుగు ఇండస్ట్రీపై దృష్టి పెట్టారు. వారికి ఇక్కడ మంచి క్యారెక్టర్స్‌ దొరుకుతున్నాయి. సక్సెస్‌ అవుతున్నారు కూడా. అందుకేనేమో. ఇక్కడ వారి హవా మొదలైంది. తాజాగా క్రియేటివ్‌ డైరెక్టర్‌ కృష్ణవంశీతో మాధవన్‌ ఓ సినిమా చేయబోతున్నారనీ సమాచారమ్‌. అదీ ఓ మల్టీ స్టారర్‌ చిత్రమనీ ప్రచారం జరుగుతోంది. ఈ సినిమాలో మాధవన్‌తో పాటు తెలుగులో ఓ సీనియర్‌ నటుడు నటిస్తున్నాడంటూ ఫిల్మ్‌నగర్‌లో గుసగుసలు వినిపిస్తున్నాయి. 

ఇంతకీ ఆ సీనియర్‌ హీరో ఎవరు? ఇటీవల కృష్ణవంశీ 'నక్షత్రం' సినిమాతో మల్టీ స్టారర్‌నే తెరకెక్కించాడు. సాయి ధరమ్‌ తేజ్‌, సందీప్‌ కిషన్‌ ఇందులో నటించారు. అయితే ఈ ప్రయోగం బెడిసికొట్టింది. అలాంటిది కృష్ణవంశీ మళ్లీ మల్టీ స్టారర్‌నే నమ్ముకోవడంలో ఆంతర్యమేంటో తెలీదు కానీ, ఈ సారి పక్కా ప్లానింగ్‌తో ఉన్నట్లు తెలుస్తోంది. చూడాలి మరి ఈ ప్రయోగం ఎంత వరకూ వర్కవుటవుతుందో లేదో చూడాలిక.