మహేష్ బాబు కెరీర్ లో అత్య‌ధిక వ‌సూళ్లు సాధించిన చిత్రం మ‌హ‌ర్షి. వంశీ పైడిప‌ల్లి ద‌ర్శ‌క‌త్వం వ‌హించిన ఈ చిత్రం విమ‌ర్శ‌కుల్ని మెప్పించ‌డ‌మే కాకుండా, బాక్సాఫీసు ద‌గ్గ‌ర వ‌సూళ్లు దండుకుంది. ఇప్పుడు అవార్డులు సైతం అందుకుంటోంది. సాక్షి ఎక్స‌లెన్సీ అవార్డుల‌లో మ‌హ‌ర్షి త‌న ప్ర‌తాపం చూపించాడు. ఈచిత్రానికి మూడు అవార్డులు ద‌క్కాయి.
ఉత్త‌మ న‌టుడిగా మహేష్ బాబు పుర‌స్కారం అందుకున్నారు. ఉత్త‌మ ద‌ర్శ‌కుడిగా వంశీ పైడిప‌ల్లి ఎంపిక‌య్యారు. ఉత్త‌మ చిత్రం కూడా మ‌హ‌ర్షినే. అలా ఈ సినిమాకి మూడు అవార్డులు ద‌క్కాయి. ఫిల్మ్‌ఫేర్‌, సైమా, నంది, సింహా అవార్డులు ఇంకా ప్ర‌క‌టించ‌డం లేదు. అవి కూడా ఇస్తే.. క‌చ్చితంగా మ‌హ‌ర్షి ప్ర‌భావం చూపిస్తుంది. మ‌హ‌ర్షి త‌ర‌వాత మహేష్ - వంశీ పైడిప‌ల్లి మ‌రో సినిమా చేయాల్సివుంది. అయితే.. కొన్ని కార‌ణాల వ‌ల్ల ఆ సినిమా వ‌ర్క‌వుట్ కాలేదు.
