ఎవ‌డు హిట్‌ కొడితే - బాక్సాఫీసు దిమ్మ‌తిరిగిపోతుందో ఆడే.. మ‌హేష్ బాబు! మ‌హేష్ బాబు మానియా ఎలాంటిదో మ‌రోసారి టాలీవుడ్‌కి తెలిసొచ్చింది. త‌న సినిమా హిట్ అయితే.. ఆ ప్ర‌భంజ‌నం ఏ స్థాయిలో ఉంటుందో ట్రేడ్ వ‌ర్గాల‌కు మ‌రోసారి అర్థ‌మైంది. యావ‌రేజ్ రివ్యూల‌తో విడుద‌లైన‌ప్ప‌టికీ మ‌హ‌ర్షి బాక్సాఫీసుని షేక్ చేసేసింది. మ‌హేష్ గ‌త చిత్రాల రికార్డుల‌న్నీ తిర‌గ‌రాసింది. ఇప్పుడు టాక్ 10 లిస్టులో చోటు సంపాదించుకుంది. తెలుగు సినిమా చ‌రిత్ర‌లో అత్య‌ధిక వ‌సూళ్లు సాధించిన చిత్రాల‌లో మ‌హ‌ర్షి ఇప్పుడు ఆరో స్థానంలో నిలిచింది

 బాహుబ‌లి 2, బాహుబ‌లి 1, రంగ‌స్థ‌లం, ఖైది నెం.150, భర‌త్ అనే నేను మాత్ర‌మే... మ‌హ‌ర్షి కంటే ముందున్నాయి. భ‌ర‌త్ అనే నేను 5వ స్థానంలో ఉంటే, మ‌హ‌ర్షి 6వ స్థానం ద‌క్కించుకుంది. శ్రీ‌మంతుడు కూడా టాప్ 10లో చోటు ద‌క్కించుకుంది. థియేట‌ర్ల‌లో ఇంకా మహ‌ర్షి హ‌వా కొన‌సాగుతోంది కాబ‌ట్టి భ‌ర‌త్ అనే నేను రికార్డుని దాటుకుని మ‌హ‌ర్షి ముందుకు వెళ్లే అవ‌కాశాలు పుష్క‌లంగా ఉన్నాయి. అర‌వింద స‌మేత‌, ఎఫ్ 2, జ‌న‌తా గ్యారేజ్ కూడా టాప్ 10 చిత్రాల జాబితాలో చోటు ద‌క్కించుకున్నాయి.