మ‌హేష్ బాబు - త్రివిక్ర‌మ్ కాంబినేష‌న్ లో వ‌చ్చిన `అత‌డు`.... తెలుగు ప్రేక్ష‌కులు ఎప్ప‌టికీ మ‌ర్చిపోలేరు. హీరో క్యారెక్ట‌రైజేష‌న్‌, డైలాగ్ డెలివ‌రీ....పాట‌లు, మాట‌లు... అన్నీ ఓ మ్యాజిక్ లా జ‌రిగిపోయాయి. ఇప్పుడు ఈ కాంబో మ‌రోసారి తెర‌పైకి వ‌స్తోంది. త్రివిక్ర‌మ్ ద‌ర్శ‌క‌త్వం లో మ‌హేష్ క‌థానాయ‌కుడిగా ఓ చిత్రం రూపుదిద్దుకుంటోంది. ఈసారి మ‌హేష్ ని త్రివిక్ర‌మ్ ఎలా చూపిస్తాడు? అనే ఉత్సుక‌త అంద‌రిలోనూ మొద‌లైంది. ఈ సినిమా క‌థాంశంపై చాలా రూమ‌ర్లు వినిపిస్తున్నాయి. అత్తారింటికి దారేది లాంటి క‌థ ఇద‌ని కొంద‌రు, కాదు... ఇందులో మ‌హేష్ పోలీస్ అధికారిగా క‌నిపిస్తాడ‌ని మ‌రికొంద‌రు చెప్పుకుంటున్నారు.

అయితే విశ్వ‌స‌నీయ వ‌ర్గాల టాక్ ప్ర‌కారం.. ఈ సినిమా `అత‌డు`కి రివ‌ర్స్ లో ఉంటుంద‌ట‌. అత‌డులో హీరో ఓ నేర‌స్తుడు. ఓ ఇంట్లో త‌ల‌దాచుకుంటాడు. అతడ్ని వెంబ‌డిస్తూ పోలీసులు వ‌స్తారు. చివ‌రికి ఏమైంద‌న్న‌దే అత‌డు క‌థ‌. ఈ సినిమాలో హీరో... సీక్రెట్ పోలీస్ అట‌. మారు పేరుతో ఓ ఇంట్లో ఆశ్ర‌యం పొంది, నేర‌స్థుల్ని ప‌ట్టుకుంటాడ‌ట‌. ఇదీ క‌థ‌. క‌థ సింపుల్ గా ఉన్నా, అందులో త్రివిక్ర‌మ్ స్టైల్, మ‌హేష్ స్టార్ డ‌మ్ మిక్సయితే.. రిజ‌ల్ట్ వేరే లెవ‌ల్ లో ఉంటుంది. మ‌హేష్ ఫ్యాన్స్ కి మ‌రోసారి పండ‌గే.