భరత్‌ మేనియా.. ఆకాశమే హద్దయా!

By iQlikMovies - April 06, 2018 - 10:42 AM IST

మరిన్ని వార్తలు

'భరత్‌ అనే నేను' సినిమా త్వరలో ప్రేక్షకుల ముందుక రాబోతోంది. సూపర్‌ స్టార్‌ మహేష్‌ సినిమా అంటే ఆ కిక్కే ఓ రేంజ్‌లో వుంటుంది. పైగా, ఈ సినిమాకి కొరటాల శివ దర్శకుడాయె. 'శ్రీమంతుడు' కాంబినేషన్‌ రిపీట్‌ అవుతోందంటే, ఆ సినిమాపై అంచనాలు ఎలా వుంటాయో ఊహించుకోవడం కష్టమే. 

అంచనాల్ని మించిన అంచనాలంటే ఎలా వుంటాయో, అచ్చంగా 'భరత్‌ అను నేను' సినిమా మేనియా చూస్తే అర్థమవుతుంది. ఒక్కో పాటా బయటకొస్తోంటే, మహేష్‌ అభిమానులు పూనకంతో ఊగిపోతున్నారు. ఓ స్టిల్‌ వచ్చిందంటే చాలు, అభిమానుల ఆనందానికి ఆకాశమే హద్దుగా మారిపోతోంది. 'ఇంతకు ముందెప్పుడూ లేదు, ఇకపై ఇంకెంతలా వుంటుందో లేదో చెప్పలేం..' అనే స్థాయిలో మహేష్‌ 'భరత్‌ అనే నేను' సినిమాతో ఓ ట్రెండ్‌ సృష్టించేసేలానే వున్నాడు. రేపు హైద్రాబాద్‌లో ఈ సినిమా ప్రీ రిలీజ్‌ ఫంక్షన్‌ జరగబోతోంది. దీనికి 'బహిరంగ సభ' అనే పేరు పెట్టేశారు. 

ఇదేదో పొలిటికల్‌ పార్టీ హడావిడి అనుకునేరు.. అంతకు మించి.. అనే స్థాయిలో ఈ ప్రీ రిలీజ్‌ ఫంక్షన్‌ జరగబోతోందట. మరోపక్క, నిన్ననే సినిమాకి సంబంధించి 'వచ్చాడయ్యో..' అనే సాంగ్‌ విడుదల చేశారు. క్షణాల్లో ఈ సాంగ్‌ వైరల్‌ అయిపోయింది. ట్రెండింగ్స్‌లో దూసుకుపోతోంది. ఇప్పుడే ఇలా వుంటే, సినిమా రిలీజ్‌కి పరిస్థితి ఇంకెలా వుంటుందట.? తెలుగు సినీ పరిశ్రమలోనే ఇంతకు ముందెన్నడూ ఏ సినిమాకీ లేనంత హైప్‌ 'భరత్‌ అనే నేను' దక్కించుకుంటుంంటే ఆషామాషీ విషయం కాదిది. 

ఫస్ట్‌ డే, ఫస్ట్‌ వీక్‌ రికార్డులు ఆల్రెడీ 'భరత్‌ అనే నేను' పేరిట రిజర్వ్‌ అయిపోయాయని అనుకోవచ్చేమో.

 


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS