మ‌హేష్‌బాబు కి బాలీవుడ్ నుంచి చాలా ఆఫ‌ర్లే వ‌చ్చాయి.కానీ.. పెద్ద‌గా ఆస‌క్తి చూపించ‌లేదు. `మంచి క‌థ‌లొస్తే మాత్రం త‌ప్ప‌కుండా చేస్తా` అని ఎప్ప‌టిక‌ప్పుడు త‌ప్పించుకుంటూనే ఉన్నాడు. ముందు తెలుగు చిత్ర‌సీమ‌పై దృష్టిసారించి, ఇక్క‌డ భారీ విజ‌యాలు న‌మోదు చేయాల‌న్న‌ది మ‌హేష్ ఆలోచ‌న‌. అది 'శ్రీ‌మంతుడు', 'భ‌ర‌త్ అనే నేను', 'మ‌హ‌ర్షి' సినిమాల‌తో జ‌రిగిపోయింది. అందుకే ఇప్పుడు బాలీవుడ్ వైపు అడుగులేయాల‌ని భావిస్తున్న‌ట్టు స‌మాచారం. మహేష్ బాబు క‌థానాయ‌కుడిగా అర్జున్ రెడ్డి ద‌ర్శ‌కుడు సందీప్ రెడ్డి వంగా తో ఓ సినిమా రూపుదిద్దుకోనుంది.

ఈ చిత్రాన్ని బాలీవుడ్ లోకీ తీసుకెళ్లాల‌ని మ‌హేష్ భావిస్తున్నాడ‌ట‌. సందీప్ రెడ్డి మ‌హేష్ కోసం ఓ క్రైమ్ థ్రిల్ల‌ర్‌ని రాసుకున్నాడు. ఇది బాలీవుడ్‌కీ బాగానే వ‌ర్క‌వుట్ అవుతుంద‌ని మ‌హేష్ ఆలోచ‌న‌. పైగా సందీప్ రెడ్డి ప్ర‌స్తుతం హిందీ ప్రేక్ష‌కుల‌కూ ట‌చ్‌లోనే ఉన్నాడు. అర్జున్ రెడ్డిని అక్క‌డ రీమేక్ చేస్తున్నాడు. అందుకే ఈ సినిమాతోనే బాలీవుడ్‌లో జెండా ఎగ‌రేయాల‌ని స్కెచ్ వేస్తున్నాడు. మ‌రి ఏం జ‌రుగుతుందో చూడాలి.