మ‌హేష్ బాబు ఫ్యాన్స్ నిరీక్ష‌ణ ఇంకా కొన‌సాగుతోంది. త‌మ హీరో సినిమాకి ఏం పేరు పెడ‌తారా??  అంటూ ఎంతో కాలం నుంచి ఎదురుచూస్తున్నారు. అదిగో.. ఇదిగో అంటారే త‌ప్ప టైటిల్ చెప్ప‌రు. ఈలోగా ఎన్నో టైటిళ్లు ప్ర‌చారంలోకి వ‌చ్చేశాయి. ఏజెంట్ శివ అని కొంత‌కాలం అన్నారు. సంభ‌వామి యుగే యుగే అనే టైటిల్ బాగా వినిపించింది. ఇప్పుడు మ‌రో టైటిల్ బ‌య‌ట‌కు వ‌చ్చింది. అదే.. మ‌ర్మం. ఈ టైటిల్‌పై మురుగ‌దాస్ ఆస‌క్తిని చూపిస్తున్నాడ‌ని, మ‌హేష్‌కీ న‌చ్చింద‌ని.. ఈ పేరే దాదాపుగా ఖ‌రారు చేసే అవ‌కాశాలున్నాయ‌ని స‌మాచారం.  ఇప్ప‌టి వ‌ర‌కూ ప్ర‌చారంలో ఉన్న టైటిళ్ల‌న్నీ ప‌క్క‌న పెట్టి, కొత్త టైటిల్‌తో అభిమానుల‌కు షాక్ ఇవ్వాల‌ని చిత్ర‌బృందం నిర్ణ‌యించుకొంద‌ని, అందుకే 'మ‌ర్మం' అనే కొత్త టైటిల్‌తో వ‌స్తున్నార‌ని తెలుస్తోంది. ఇదైనా ప‌క్కానా??  లేదంటే ఇందులోనూ మార్పులు చేర్పులూ చూస్తామా??  అస‌లు ఈ టైటిల్ ఎప్పుడు అఫీషియ‌ల్‌గా ఎనౌన్స్ చేస్తారు?  ఫ‌స్ట్ లుక్ ఎప్పుడు బ‌య‌ట పెడ‌తారు?  ఇవ‌న్నీ ప్రిన్స్ ఫ్యాన్స్ ని క‌ల‌వ‌ర‌పాటుకు గురి చేస్తున్న ప్ర‌శ్న‌లే. స‌మాధానాలు ఎప్పుడొస్తాయో??