అవును మహేష్‌బాబు దూకుడు బాగా పెంచేశాడు. ప్రస్తుతం కొరటాల శివతో 'భరత్‌ అను నేను' చిత్రంలో నటిస్తున్న మహేష్‌బాబు కొత్త సినిమా సంగతులు తాజాగా వెలుగులోకి వచ్చేశాయి. అయితే ఈ సంగతుల్లో నిజమెంతో తెలీదు కానీ, 'అర్జున్‌రెడ్డి' సినిమాతో స్టార్‌ డైరెక్టర్స్‌ పాపులారిటీ సంపాదించుకున్న డైరెక్టర్‌ సందీప్‌ రెడ్డి వంగాతో మహేష్ సినిమా చేయబోతున్నాడంటూ వార్తలు జోరుగా వినిపిస్తున్నాయి.
'అర్జున్‌రెడ్డి' సినిమా అందరికీ నచ్చింది. విమర్శకులతో పాటు. పలువురు సినీ దిగ్గజాలతో కూడా ప్రశంసలు అందుకుందీ సినిమా. అలా అభినందించిన ఆ సినీ ప్రముఖుల్లో మహేష్‌బాబు కూడా ఉన్నారు. సోషల్‌ మీడియాలో 'అర్జున్‌రెడ్డి' సినిమాను ప్రశంసిస్తూ ట్వీట్‌ చేశారు అప్పట్లో సూపర్‌స్టార్‌. అయితే తాజాగా సందీప్‌ రెడ్డి వంగా, మహేష్‌కోసం ఓ అదిరిపోయే స్క్రిప్టు ప్రిపేర్‌ చేశారట. ఆ స్క్రిప్టును మహేష్‌కి కూడా వినిపించాడనీ సమాచారమ్‌. కథ మహేష్‌కి నచ్చిందని తెలుస్తోంది. దాంతో మహేష్ ఆ స్టోరీకి ఓకే చెప్పారనీ టాక్‌ వినిపిస్తోంది. దాంతో త్వరలోనే ఈ కాంబినేషన్‌ సెట్స్‌ మీదికి వెళ్లనుందంటూ ఫాస్ట్‌ ఫాస్ట్‌గా ప్రచారం జరిగిపోతోంది. ఈ ప్రచారంలో నిజమెంతుందో తెలియాలంటే, సందీప్‌ రెడ్డి కానీ, మహేష్ కానీ స్పందించాల్సిన అవసరం ఉంది.
ఇకపోతే, ఈ సినిమాలో మహేష్ క్యారెక్టర్‌ గురించి కూడా మాటలు వినిపిస్తున్నాయి. మహేష్ ఈ సినిమాలో మెకానిక్‌ పాత్రలో కనిపించబోతున్నాడంటూ ప్రచారం జరుగుతోంది. అంటే మహేష్ ప్రస్తుతం కొరటాల శివ సినిమాలోని ముఖ్యమంత్రి పాత్ర నుండి మెకానిక్‌ పాత్రలోకి షిప్ట్‌ అవుతాడా? లేక ఇదంతా జస్ట్‌ ప్రచారమేనా? అనేది చూడాలి మరి. మరో పక్క మహేష్ నటిస్తున్న 'భరత్‌ అను నేను' చిత్రం ఈ సమ్మర్‌లో ప్రేక్షకుల ముందుకు రానుంది. బాలీవుడ్‌ బ్యూటీ కైరా అద్వానీ ఈ సినిమాలో హీరోయిన్‌గా నటిస్తోంది.
