మహేష్‌ బాబు హీరోగా తెరకెక్కుతోన్న సినిమా 'స్పైడర్‌'. మురుగదాస్‌ డైరెక్షన్‌లో ఈ సినిమా తెరకెక్కుతోంది. ఈ సినిమాకి సంబంధించి రెండు పాటలు మినహా షూటింగ్‌ పార్ట్‌ మొత్తం కంప్లీట్‌ అయ్యింది. మొదట్లో ఈ సినిమాని ఆగష్టులో విడుదల చేయాలనుకున్నారు. కానీ బైలింగ్వల్‌ మూవీ కారణంగా, తమిళంలోనూ, తెలుగులోనూ ఒకేసారి సినిమా విడుదల కావాలి. అదే టైంలో అజిత్‌ 'వివేగం' సినిమా ఉండడంతో మహేష్‌ 'స్పైడర్‌'ని దసరా కానుకగా సెప్టెంబరులో విడుదల చేయనున్నారు. కాగా ఈ సినిమాకి సంబంధించి అన్ని విషయాలను గోప్యంగా ఉంచుతూ వచ్చారు. ఫస్ట్‌లుక్‌కే చాలా టైం తీసుకున్నారు. దాంతో ఫ్యాన్స్‌ నానా హంగామా సృష్టించిన సంగతి తెలిసిందే. ఎట్టకేలకు మహేష్‌ ఫస్ట్‌లుక్‌ బయటికి వచ్చింది. అది సరే ఇప్పుడు ఈ సినిమా టీజర్‌ డేట్‌ ఫిక్స్‌ చేశారు. కృష్ణ పుట్టినరోజు కానుకగా ఈ సినిమా టీజర్‌ని విడుదల చేయాలనుకుంటున్నారట. మే 31న కృష్ణ పుట్టినరోజు. ఈ రోజే టీజర్‌ విడుదల కానుందట. అందుకు చిత్ర యూనిట్‌ అన్ని ఏర్పాట్లు చేసినట్లు తెలుస్తోంది. దాదాపు 59 సెకన్ల నిడివితో ఈ టీజర్‌ ఉండబోతోందట. రకుల్‌ ప్రీత్‌ సింగ్‌ హీరోయిన్‌గా నటిస్తోంది ఈ సినిమాలో. తమిళ డైరెక్టర్‌ ఎస్‌జె. సూర్య విలన్‌గా నటిస్తుండగా, తమిళ యంగ్‌ హీరో భరత్‌ కీలక పాత్ర పోషిస్తున్నాడు. మహేష్‌ కెరీర్‌లోనే భారీ బడ్జెట్‌ సినిమాగా తెరకెక్కుతోన్న సినిమా ఇది.