వెండితెరపై తన అందచందాలతో సెగలు రేపిన సెక్స్‌ బాంబ్‌ మల్లికా షెరావత్‌ గురించి ఓ వార్త హల్‌ చల్‌ చేస్తోంది. భర్తతో కలిసి ప్యారిస్‌లో ఉంటోన్న మల్లిక అక్కడి న్యాయస్థానంతో చీవాట్లు తిన్నదని ఆ వార్త సారాంశం.
ఏడాది కాలంగా ప్యారిస్‌లో తాను నివాసం ఉంటోన్న ఇంటి అద్దె చెల్లించకపోవడంతో ఇంటి ఓనర్‌ కోర్టునాశ్రయించాడట. ఆ కారణంగానే అక్కడి న్యాయస్థానం మల్లికకు వార్నింగ్‌ ఇచ్చిందని సమాచారమ్‌. 'మర్డర్‌' సినిమాతో ఈ బ్యూటీ బాలీవుడ్‌లో రాత్రికి రాత్రే స్టార్‌డమ్‌ సంపాదించుకుంది. తన అందచాందాల్ని తెరపై ఆరబోస్తూ కోట్లు గడించింది. అలాంటి మల్లికా షెరావత్‌ బిజినెస్‌మేన్‌ని పెళ్లాడి, విదేశాల్లో సెటిలైందని అంతా అనుకుంటే, ఈ ఆర్ధిక ఇబ్బందుల వార్తలు సహజంగానే అందరికీ షాక్‌ ఇచ్చాయి.
దాంతో ఈ వివాదంపై స్పందించిన మల్లికా షెరావత్‌.. 'గత ఎనిమిది నెలలుగా నేను అమెరికాలోని లాస్‌ ఏంజెల్స్‌లోనూ, ఇండియాలోనూ, ఉంటున్నాను. ప్యారిస్‌లో అసలు నాకు ఇల్లే లేదు. అలాంటిది అక్కడ ఇల్లు అద్దెకు తీసుకున్నానన్న వార్తల్లో నిజంలేదు. దయచేసి ఇలాంటి రూమర్స్‌ స్రెడ్‌ చేయద్దు..' అని ముద్దుగుమ్మ మల్లికాషెరావత్‌ క్లారిటీ ఇచ్చింది. కానీ ప్యారిస్‌లో మల్లికా నివసించిన ఇంటి ఫోటోలు సోషల్‌ మీడియాలో హల్‌చల్‌ చేస్తున్నాయి.
ఇప్పుడంటే ఈ ముద్దుగుమ్మ సినిమాలు చేయట్లేదు కానీ, ఒకప్పుడు హాలీవుడ్‌ యాక్షన్‌ హీరో జాకీచాన్‌తో 'దిమిత్‌' సినిమాలో నటించి అప్పట్లో హాలీవుడ్‌ సినిమా దృష్టిని కూడా ఆకర్షించింది. అంతేకాదు. విశ్వనటుడు కమల్‌ హాసన్‌తో 'దశావతారం' సినిమాలోనూ నటించిందీ బ్యూటీ. ఆ రకంగా సౌత్‌ ప్రేక్షకులకూ ఈ ముద్దుగుమ్మ సుపరిచితురాలే.
