హీరోయిన్స్‌ని పరిచయం చేయడంలో మంచు మనోజ్‌కి మంచి పేరుంది. అంతేకాదు, మనోడిది గోల్డెన్‌ హ్యాండ్‌ కూడా. మంచు మనోజ్‌ చేతుల మీదుగా పరిచయమైన ముద్దుగుమ్మలు ఇప్పుడు టాప్‌ రేంజ్‌లో సత్తా చాటుతున్నారు. ఆ కోవలో మిల్కీ బ్యూటీ తమన్నా, సొట్ట బుగ్గ చిన్నది తాప్సీని బెస్ట్‌ ఎగ్జాంపుల్‌గా చెప్పుకోవచ్చు. సరే ఆ సంగతి కాసేపు పక్కన పెడితే, మనోడు ఇటీవలే కొత్త నిర్మాణ సంస్థ స్థాపించి, ఆ సంస్థలో లాంగ్‌ బ్యాక్‌ తర్వాత తానే హీరోగా నటిస్తున్న చిత్రం ‘అహం బ్రహ్మస్మి’. ఈ సినిమాతో ఓ కొత్త పిట్టని టాలీవుడ్‌కి పరిచయం చేస్తున్నాడు.
కోలీవుడ్‌లో ప్రముఖ యాంకర్‌ కమ్‌ నటిగా చెలామణీ అవుతున్న ప్రియా భవానీ శంకర్‌ని తన సినిమాలో హీరోయిన్‌గా తీసుకొస్తున్నాడు మన మంచి మంచు వారబ్బాయి. బుల్లితెరపై పలు ప్రముఖ కార్యక్రమాలతో బిజీగా ఉంటూనే, పెద్ద తెరపైనా ఇంపార్టెంట్‌ పాత్రల్లో మెరుస్తున్న ఈ ముద్దుగుమ్మ ఎప్పుడు.? ఎలా.? మంచు వారబ్బాయి దృష్టిలో పడిరదో కానీ, హీరోయిన్‌గా ఛాన్స్‌కొట్టేసే లక్ దక్కించుకుంది . ప్రస్తుతం కమల్‌హాసన్‌ నటిస్తున్న ‘ఇండియన్‌ 2’లో ప్రియా భవానీ శంకర్‌ ఓ కీలక పాత్ర చేస్తోంది. మరి మనోజ్‌ బోణీ వర్కవుట్‌ అయ్యిందంటే, ఇంకేముంది, టాలీవుడ్‌కి ఓ మంచి హీరోయిన్‌ దొరికినట్లే. అసలే మనోళ్లకి పొరుగింటి పుల్ల కూరంటే భలే రుచి ఆయె.!
