'ప్రేమకథాచిత్రం', 'భలే భలే మగాడివోయ్‌', 'మహానుభావుడు' సినిమాలతో మారుతి దర్శకుడిగా ఒక్కో మెట్టూ ఎక్కుతూ వస్తున్నాడు. రీసెంట్‌గా 'మహానుభావుడు'తో మంచి హిట్‌ అందుకున్నాడు. యంగ్‌ హీరోలతో సినిమాలు మారుతికి మంచి సక్సెస్‌నిస్తున్నాయి. అలాగని పెద్ద హీరోలతో మారుతి చేయలేకపోతున్నాడంటే పొరపాటే. స్టార్‌ హీరో వెంకటేష్‌తో మారుతి తెరకెక్కించిన 'బాబు బంగారం' సినిమా ఆశించిన ఫలితాన్ని అందివ్వలేదు. అలాగని అదేమీ ఫెయిల్యూర్‌ సినిమా కాదంటున్నాడు మారుతి. ఇప్పటికీ పెద్ద హీరోలకు తగ్గ కథలు తన దగ్గర చాలానే రెడీగా ఉన్నాయంటున్నాడు. 'బాబు బంగారం' సినిమా అంచనాల్ని అందుకోలేకపోయినప్పటికీ, స్టార్‌ హీరోస్‌తో మళ్లీ మళ్లీ సినిమాలు చేయడానికి సిధ్ధంగా ఉన్నానంటున్నాడు మారుతి. స్టార్‌ హీరోలతో సినిమా చేయగల సత్తా, కాన్ఫిడెన్స్‌ ఆయనతో కనిపిస్తున్నాయి కూడా. ఇటీవలే శర్వానంద్‌తో తెరకెక్కించిన 'మహానుభావుడు' సినిమా మంచి టాక్‌ని అందుకోవడమే కాకుండా, బాక్సాఫీస్‌ వసూళ్లు కొల్లగొడుతోంది. తెలుగు రాష్ట్రాల్లోనే కాకుండా, ఓవర్సీస్‌లోనూ హవా చూపిస్తోంది. ముద్దుగుమ్మ మెహరీన్‌ని అందంగా, గ్లామరస్‌గా చూపించాడు మారుతి. అలాగే ప్రేక్షకులు మెచ్చే కామెడీ పల్స్‌ తెలిసినోడు. ఆ కామెడీని సింపుల్‌గా ఆడియన్స్‌ ఎలా చేరవేయాలో కూడా మారుతికి తెలుసు. ఆ టెక్నిక్‌తోనే హిట్టు మీద హిట్టు కొడుతూ ముందుకెళ్తున్నాడు మారుతి.