ప‌ద్మ‌శ్రీ సిరివెన్నెల సీతారామ‌శాస్త్రికి అభినంద‌న‌లు వెల్లువెత్తుతున్నాయి. ఇటీవ‌ల కేంద్ర ప్ర‌భుత్వం ప‌ద్మ పుర‌స్కారాల్ని ప్ర‌క‌టించిన సంగ‌తి తెలిసిన‌దే. తెలుగు ప‌రిశ్ర‌మ నుంచి  `ప‌ద్మ‌శ్రీ‌`కి ఎంపికైన ఒకే ఒక్క‌డు సిరివెన్నెల‌. అందుకే ఆయ‌న్ని క‌లిసి అభినంద‌న‌లు తెలియ‌జేయ‌డానికి చిత్ర‌సీమ వరుసగా క్యూ క‌డుతోంది. ఇప్ప‌టికే త్రివిక్ర‌మ్ సిరివెన్నెల ఇంటికి వెళ్లి త‌న అభినంద‌న‌లు తెలియ‌జేశాడు. ఈరోజు (సోమ‌వారం) మూవీ ఆర్టిస్ట్ అసోసియేష‌న్ త‌ర‌పున చిరు స‌త్కారం జ‌రిగింది. ఇప్పుడు ప‌ద్మ‌భూష‌ణ్ అందుకున్న‌ చిరంజీవి కూడా సిరివెన్నెల ఇంటికి వెళ్లి అభినందించి వ‌చ్చాడు.

చిరు- సీతారామ‌శాస్త్రి మ‌ధ్య మంచి అనుబంధం ఉంది. చిరంజీవి న‌టించిన ఎన్నో చిత్రాల‌కు సిరివెన్నెల పాట‌లు అందించారు. `రుద్ర‌వీణ‌`లోని పాట‌లైతే... ఎవ‌ర్‌గ్రీన్‌గా నిలిచిపోయాయి. ఆ అనుబంధాన్ని చిరు మ‌రోసారి చాటుకున్నారు. `సైరా` షూటింగ్‌లో బిజీగా ఉన్న చిరంజీవి.. షూటింగ్‌కి కాస్త బ్రేక్ ఇచ్చి, సిరివెన్నెల ఇంటికి స్వ‌యంగా వెళ్లి అభినందించి వ‌చ్చారు. ఈ ఫొటో, వీడియో ఇప్పుడు సోష‌ల్ మీడియాలో చ‌క్క‌ర్లు కొడుతోంది.