ఏఎంబీ.. ప్ర‌స్తుతం హైద‌రాబాద్‌లోని సినీ ప్రేమికులకు అడ్డాగా మారింది. పైగా ఇది మ‌హేష్ బాబు మ‌ల్టీప్లెక్స్‌. అందుకే... దీనికి అంత క్రేజ్‌. మ‌హేష్ బాబు మ‌ల్టీప్లెక్స్ ఎలా ఉందో చూద్దాం.. అని ఈ మాల్‌కి ఎగ‌బ‌డుతున్నారు జ‌నాలు. అందుకు సెల‌బ్రెటీలూ అతీతులు కాదు. ఓసారి మ‌హేష్ బాబు మ‌ల్టీప్లెక్స్‌లోకి లుక్కేద్దాం.. అంటూ వాళ్లూ వ‌రుస క‌డుతున్నారు. తాజాగా చిరంజీవి కూడా ఈ మాల్‌లో అడుగుపెట్టారు.

సాధార‌ణంగా చిరు సినిమాలు చూడాలంటే.. ఇంట్లోనే ఓ పెద్ద సెట‌ప్ ఉంటుంది. డైరెక్టుగా క్యూబ్‌లోనే సినిమాలు చూసేస్తారు. కానీ.. `సైరా` షూటింగ్‌కి బ్రేక్ ఇచ్చి మ‌రీ.. ఏఎంబీలో అడుగుపెట్టారు చిరు. ఆయ‌న‌తో పాటు అల్లు అర‌వింద్ కూడా ఉన్నారు. వీరిద్ద‌రూ ఏఎంబీలో సినిమా చూశారు. సౌండ్ క్వాలిటీ బాగుంద‌ని, నిర్వ‌హ‌ణ చాలా అద్భుతంగా ఉంద‌ని, మాల్ మేనేజ్‌మెంట్‌ని ప్ర‌శంసించి వెళ్లార‌ట‌.

దాంతో ఏఎంబీ అఫీషియ‌ల్  ట్విట్ట‌ర్ పేజీలో చిరు, అర‌వింద్ ఫొటోని పంచుకుంటూ.. వీరిద్ద‌రికీ కృత‌జ్ఞ‌త‌లు చెప్పుకుంది మేనేజ్‌మెంట్‌. మ‌హేష్ బాబు ఇంకా స్పందించ‌లేదు. అన్న‌ట్టు... అల్లు అర్జున్ త్వ‌ర‌లోనే ఓ షాపింగ్ మాల్ క‌ట్ట‌డానికి ప్ర‌ణాళిక‌లు ర‌చిస్తున్నాడ‌ని టాక్‌. అందుకోస‌మే ఏఎంబీలో మెగా కుటుంబం రెక్కీ నిర్వ‌హిస్తోందేమో..!!