ఈ ఏడాది మెహరీన్‌ జోరుకు అడ్డు కట్ట వేసేవారే లేరు. ఏకంగా ఇప్పటికే మూడు చిత్రాలతో వచ్చేసింది. అందులో 'మహానుభావుడు', 'రాజా ది గ్రేట్‌' చిత్రాలు సక్సెస్‌ మూవీస్‌గా నిలిచాయి. సందీప్‌ కిషన్‌తో నటించిన 'కేరాఫ్‌ సూర్య' కొంచెం నిరాశ పరిచింది. అయినప్పటికీ అమ్మడి ప్రెజెన్స్‌ కౌంట్‌ కౌంటే కదా. తాజాగా 'జవాన్‌' చిత్రంతో ఈ రోజు ప్రేక్షకుల్ని పలకరించనుంది ఈ బ్యూటీ. 

ఎక్కువ సినిమాలతో సందడి చేస్తోంది కానీ, అమ్మడు ఫిజిక్‌పై మాత్రం అస్సలు ఫోకస్‌ పెడుతున్నట్లుగా కనిపించడం లేదు. తొలి సినిమా 'కృష్ణ గాడి వీర ప్రేమగాధ' సినిమాలో కొంచెం బొద్దుగా కనిపించింది. అయినా కానీ ఫస్ట్‌ సినిమా కదా క్యూట్‌గా ఎట్రాక్ట్‌ చేసింది. అయితే ఈ ఏడాది వస్తున్న వరుస సినిమాలన్నింట్లోనూ అమ్మడు బొద్దుగానే కనిపిస్తోంది. సినిమా సినిమాకీ కొంచెం అయినా మార్పు కనిపించడం లేదంటూ ఆమె అభిమానులు కొందరు అంటున్నారు. అమ్మడు బిజీ షెడ్యూల్స్‌ కారణంగానే ఫిజిక్‌పై కాన్‌సన్‌ట్రేషన్‌ చేయలేకపోతోందనీ తెలుస్తోంది. 

తాజా సినిమా 'జవాన్‌'లో కూడా అమ్మడు బొద్దుగానే ఉన్నట్లు తెలుస్తోంది ప్రోమోస్‌ చూస్తుంటే. అయితే అమ్మడికి ఫిజిక్‌ గురించి మాట్లాడితే అస్సలు నచ్చడం లేదండోయ్‌. ఏ క్యారెక్టర్‌కి ఎలా ఉండాలో నాకు తెలుసునంటోంది. క్యారెక్టర్‌ని బట్టి, ఫిజిక్‌ మెయింటైన్‌ చేస్తానని కూడా అంటోంది. కానీ హీరోయిన్‌ అన్నాక యాక్టింగ్‌ టాలెంట్‌తో పాటు ఫిజిక్‌కీ ఎక్కువ ఇంపార్టెన్స్‌ ఇవ్వాల్సి ఉంటుంది. అలాంటిది ఫిజిక్‌ని పక్కన పెడితే ఆఫర్స్‌ ఎలా వస్తాయమ్మా చక్కనమ్మా అంటూ కొందరు కామెంట్‌ చేస్తున్నారు. 

అయితే మన ముద్దుగుమ్మకి ప్రస్తుతానికి అవకాశాల కొరతేం లేదు. కానీ ముందు ముందు కెరీర్‌ ఇలాగే ఫాస్ట్‌గా కొనసాగాలంటే మాత్రం బ్యూటీ మెహరీన్‌ కొంచెం సన్నబడాల్సిందేనేమో!