ముద్దుగుమ్మ మెహరీన్‌ కౌర్‌ నటించిన 'రాజా ది గ్రేట్‌' చిత్రం త్వరలోనే ప్రేక్షకుల ముందుకు రానుంది. మాస్‌ రాజా రవితేజ హీరోగా నటిస్తున్న చిత్రమిది. రవితేజ అధుడి పాత్రలో నటిస్తున్నాడు. కాగా ఈ సినిమాలో హీరోయిన్‌గా నటించిన ముద్దుగుమ్మ మెహరీన్‌కి అంధుడిగా రవితేజ పాత్ర చాలా నచ్చేసిందట. అలాగే రియల్‌ లైఫ్‌లో బ్లైండ్‌ పీపుల్‌ని చూసి తానెంతో జాలి పడేదట. అయితే మనం చూసే ప్రపంచం వారు చూడలేకపోయినా, వారు ఓ కొత్త ప్రపంచాన్ని చూస్తారనీ, ఎవరికీ లేని కొత్త టాలెంట్స్‌ అంధులకు ఉంటాయంటోందీ ముద్దుగుమ్మ. అదే ఈ సినిమా ద్వారా హైలెట్‌ చేస్తూ డైరెక్టర్‌ చూపించారనీ మెహరీన్‌ చెబుతోంది. అంధుడిగా రవితేజ నటనకి మెహరీన్‌ ఇంప్రెస్‌ అయిపోయిందట. ఈ సినిమా తనని వ్యక్తిగతంగా మార్చేసిందంటోంది ముద్దుగుమ్మ మెహరీన్‌. ఖచ్చితంగా రవితేజ అభిమానులు మెచ్చే చిత్రం 'రాజా ది గ్రేట్‌' అని మెహరీన్‌ భరోసా ఇచ్చేస్తోంది. అనిల్‌ రావిపూడి ఈ సినిమాని తెరకెక్కించారు. దిల్‌ రాజు నిర్మాణంలో రూపొందింది. ఈ నెల 18న ప్రేక్షకుల ముందుకు రానుంది. ఇటీవలే ఈ ముద్దుగుమ్మ 'మహానుభావుడు' సినిమాతో మంచి విజయం అందుకుంది. బాక్సాఫీస్‌ వద్ద ఆ సినిమా మంచి వసూళ్లు రాబట్టింది. తొలి సినిమా 'కృష్ణగాడి వీర ప్రేమగాధ'తో హిట్‌ కొట్టి, ఆ సక్సెస్‌ని 'మహానుభావుడు'తో కొనసాగించి, లక్కీ బ్యూటీ అయిపోయింది మెహరీన్‌. ఇప్పుడు ఆమె టైం స్టార్ట్‌ అయ్యింది. ప్రస్తుతం వరుసగా రాబోతున్న చిత్రాల్లో చాలా వరకూ ఈ బ్యూటీనే హీరోయిన్‌ కావడం విశేషం.